Сонцесто́яня, синонимы: сонцезворóт, слункóви преóбрат (бачванске) солнцеворóт (давноруске), солсти́ций (латинске solsticium) — астрономична подѣя, коли Сонце над горизонтом в полудне досягне максималну (влѣтѣ) або минималну (взимѣ) вышку.[1][2]
Нахыл оси (ε=23°27'), главны землеписны паралелы и полога сопротив Сонця (зображено в диспропорции)
Лѣтня и зимушна точкы сонцестояня
Понеже земна ось нахылена односно еклиптикы о 23,5° (приблизно) Сонце бывать раз в року в зенитѣ на зворотнику Рака (точка лѣтнього сонцестояня), а другый раз — на зворотнику Козорога (точка зимушного сонцестояня), котры мають приблизно тоту географичну широкость на сѣвер и на юг од земного екватора. Перва точка досягать ся 20–21. юна, друга — 21–22. децембра. Тоты точкы поважують зачатком лѣта и зимы. Часова неточность спричинена тым, же тропичный рок и рок григорианского календаря суть не цѣлком еднакы,[1] а тыж суть нерегуларности в руху Землѣ.[2][3]
Етимология и обсервация
Кедь в указаный час будеме даколькы днѣ по собѣ позоровати, як высоко подниме ся Сонце в полудне (углова величина), увидиме, же вышка каждый день росте, пак на день-два стане, аж наконець зачне малѣти. Од того станя в кулминачной точцѣ походить назва сонцестояня.[2] Около 21. юна в середных широкостях сѣверной полукулѣ день найдовжый, а около 21. децембра — найкуртшый (на южной полукули обернено).[1][3]
Около точок сонцестояня находять ся свята Рождества Христова (взимѣ) и Рождество Иоанна Крестителя, Ивандень/Яна, Русаля (влѣтѣ).
Климишин І.А., Корсунь А.О. (ред.) Астрономічний енциклопедичний словник — Львів: Голов. астроном. обсерваторія НАН України: Львів. нац. ун-т ім. Івана Франка, 2003. — 548 c. ISBN966-613-263-Xукр.