одокремлення на расовѣ, етничнѣ и иншакѣ групы From Wikipedia, the free encyclopedia
Расова сегрегация, од лат. segregatio одокремлѣня — практика ограничѣня людей до бываня на окресленой територии, або до одокремленых инштитуций (як школы, церквы) и служб (паркы, игриска, рештаврации) на основѣ их расы.[1]
Можуть быти практикованы двѣ формы расовой сегрегации: инштитуционална и териториална. Инштитуционална реализуе ся в розличных сферах живота сполоченства — во школствѣ, здоровництвѣ, транспортѣ, службах — через створѣня паралелных инштитуций, або в рамках едной инштитуции окремых секций про оддѣлены расы. Териториална — через створѣня окремых зон и територий бываня про оддѣлены расы, котра ся зъявно указала в политицѣ апартеиду в ЮАР (1948-1994).[2]
В найновшой истории расова дискриминация мала за цѣль утвердити высшый статус и економичны перевагы политично доминуючой популации, векшинов бѣлой расы над фаребными. Але исторично розличны добывателѣ — як Монголы в Азии, Банту в Африцѣ, Ацтекы в Америцѣ — хосновали сегрегацию на покореной популации.[1]
Хоть официално расова сегрегация в сучасности не ествуе, в расово мѣшаных комунитах часто де факто расовы групы жиють в окремых районах и так суть сегрегованы териториално. Наслѣдком того в тых районах суть и сегрегованы школы, службы.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
