Языко́вый пури́зм од лат. purus чистый — усилованя захранити литературный язык в нерушаном видѣ, идеализация его чистоты, яко высшой вартости, бой против неологизмох и чужоязычных позычань, недопущаня в литературный язык новот, ненормованых лексичных и граматичных елементох (простой бесѣды, диалектизмох, професионализмох), субъективно приймованых за псутя языка.[1]
Характерны стороны
Позитивныма сторонами пуризма мож поважовати стараня о розвой своефайтовости народностной културы, черпаня зоз богатых жерел родного языка, его лексико-семантичных и словотворных ресурсох. Негативны стороны пуризма суть: субъективность его прихылникох, неисторичность, нерозумѣня процеса розвою языка.[2]
Пуризм годен быти ретроспективный (при одмѣтаню новых фактох признавать то, что уже закрѣпило ся в языку) або твердо конзервативный (нетерпить ани освоены и хоснованы позычѣня, усилуе ся их вымѣняти новотворами зоз родных морфем и флексий).[2]
Пуризм характерный про добу формованя народностных литературных языкох, указуе ся тыж в часах важных сполоченскых подѣй (демократичных рухох, револуций, войн и т. п.) и звязаных з нима вызнамных перемѣн в языку (переважно в лексицѣ), коли язык скоро и на очох ся мѣнять, вбираючи много позычѣнь, неологизмох, штилистичных новот и т. п.[1][2]
См. тыж
Жерела и одказы
- Левитская Л. С. (1998). Культура речи. in Ярцева В. Н.. Большой энциклопедический словарь ЯЗЫКОЗНАНИЕ (2-е репринтное 1990 ed.). Москва: Научное издательство «Большая Российская энциклопедия». pp. 247–248. ISBN 5-85270-307-9.русс.
- Пуризм. // Большая российская энциклопедия. Том 27. Москва. 2015. pp. 750–751. https://old.bigenc.ru/linguistics/text/3173318.русс.
Референции
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.