From Wikipedia, the free encyclopedia
Поток в школованю — роздѣлѣня ученикох подля их наданя ку науцѣ на групы во вшиткых предметах, або лем в окремых предметах и учебных програмах в школѣ.[1][2] Система родила ся и переважно фунгуе в США.
В потоковой системѣ школованя вшиткы ученикы ся роздѣляють на класы зависимо од их успѣшности, напримѣр на три: нормална успѣшность, успѣшность высше або ниже нормалной. Каждый предмет в таком припадѣ ся одповѣдно преподавать в трьох вариантах: спрощеный, нормалный и авансованый.
Авшак главный змысел потокового школованя не е лем в роздѣлѣню подля наданости, але в непрерывной контроли и динамичности.[3] Ученик може быти во высшой групѣ з математикы, а едночасно в низшой групѣ з англицкого языка. Належность ку групѣ динамично вызначать учитель. Кедь видить, же ученик потребуе обновити свои знаня перед тым, як поступовати дале, може го послати в низшу групу, про дакотры лекции може злучити въедно вшиткы потокы, циже роздѣлѣня е динамичне. Роздѣлѣня подля наданости не фиксуе ся в индексѣ штудента.
Потокове школованя и его розличны варианты в США суть практикованы уже майже стороча.[4]
Оно зачало ся, коли ростуче число дѣтей емигрантох зачало ся записовати до школ в резултатѣ законох о повинном школованю, а были они неспособны учити ся так, як роджены Америчане. Нажаль, потокове школованя скоро набрало форму, подобну сегрегации.[5]
Потокова система школованя давать можность каждому штудентови якостно учити ся одповѣдно своим способностям и мотивации. Наданы штуденты можуть досягнути значно высшы резултаты опротив системы сполочного школованя.
Система была оскаржована з того, же понижуе и дискриминуе менше наданых штудентох: же штудент придѣленый до низшых груп лем тяжко може ся достати ку лѣпшой позиции. Понеже меджи нима были значнов мѣров представителе социалных, расовых и народностных меншин, приписовали системѣ за дефект и серйознѣншы формы дискриминации: расизм, социалну дискриминацию, сексизм.[2]
В резултатѣ критикы в сучасности система потокового школованя ся отворено не пропагуе. В державных бесплатных школах школованя е сполочне, без жадной сегрегации. Але окрем державных школ суть в великом числѣ приватны, меджи нима и престижны школы, котры фунгують на правах автономии и самы вызначають свою систему школованя.
„ | ...днесь в державных школах Хюстонского школного округа Латиноамеричане чинять уже над 50%, Афроамеричане около 30%, а бѣлы лем 9%! .. в приватных школах ся учать переважно бѣлы, частка бѣлых дѣти в мегаполису не перевысшать 30%. Тота ситуация несе доста проблем. | ” | |
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.