Подкарпатя (укр. Закарпаття) — западный регион Украины (од року 1944), сосѣдный зоз Мадярщинов, Польщов, Румыниов, Словакиов. Тота територия во многых аспектах ся одличуе од иншых регионох Украины. Се якнайприроднѣйшый наслѣдок того, же до Другой свѣтовой войны розвивала ся она независимо од Украины и была майже тысяч рокы частьов Мадярщины (Угорьска), пак по Трианонѣ — Чехословакии.
Назва Подкарпатя (мад. Kárpátalja) природно вяже ся з пологов региона котрый лежить в серединѣ подковы Карпат. Мѣстнѣ обывателе закарпатцями, або закарпатскыма Русинами, называли своих сосѣдох за горами.[1]
Границѣ Подкарпатя з четырьма сосѣдныма державами суть довжков: зоз Мадярщинов (103 км), Польщов (33,4 км), Румыниов (205,4 км), Словакиов (98,9 км) Границѣ Подкарпатя частьов природны, частьов штучны. Сѣверовосточна природна границя поступуе вододѣлным хребтом Карпат, роздѣляючым базен Тисы од базенох Днѣстра и Прута. Частьов природна границя з Румыниов и Мадярщинов слѣдуе током Тисы. Але в значной мѣрѣ украинско-словацка, украинско-мадярска и украинско-румынска границя суть штучны, не суть звязаны з жадным природным географичным объектом.
Позитивом Подкарпатя е полога в центрѣ Европы, тутешны автодорогы и желѣзниця, цѣвоводы и електролинии, што звязують територию Украины зоз середньоевропскыма державами, розвитѣйшыма од ней и членами Евроунии. Негативом е периферна полога в Украинѣ, оддаленость од главного города, векша як 800 км, оддаленость од моря и од украинскых промысловых центрох.
- Kormány Gyula Dr.: Kárpátalja földrajzi vázlata (oktatási segédanyag) – Bessenyei György Tanárképző Főiskola Beregszászi Tagozata, Nyíregyháza–Beregszász, 1996
- Закарпатська область – Атлас – Редакційна колегія, Комітет Геодезії і картографії СРСР, Москва, 1991
- Заставний Ф.З.: Фізична географія України – Підручник для учнів 8 класу середньої загальноосвітньої школи – Київ, Вищя школа, 1999
- Поп Степан Степанович: Природні ресурси Закарпаття – Учбовий посібник, Ужгородський Національний Університет, Ужгород, 2002
- Українська Радянська Енциклопедія. Головний редактор М.П. Бажан. Том 17 – Академія Наук Української Радянської Соціалістичної Республіки, Київ, 1965
- Сокырницькый Сирохманъ [Антоній Годинка]: Утцюзнина, газдуство и прошлость южно-карпатськыхъ русинувъ — Budapest, 1922(?) Одчитане 2020-05-08
- Kárpátalja.lap.hu Интернет портал Подкарпатя мад.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
