From Wikipedia, the free encyclopedia
Пико, порт. Montanha do Pico — стратовулкан на островѣ Пико, в атлантичном архипелагу Азоры, а тыж найвысшый верх Португалии и третий найвысшый верх Атлантичного океана.[1]
Пико | |
---|---|
Вулкан Пико, найвысшый верх Азор | |
Надморска вышка | 2351 м |
Умѣстнѣня | Португалия, Азоры |
Тип гор | стратовулкан |
Вѣк гор | <230 тыс. рокы |
Остатна ерупция | 1720 |
Вывержѣня вулкана Пико в истории часто ся ставали з бочных каналох на его флангах, а не з кратера на вершку. В роках 1562–1564 вывержѣня на юговосточной обочи привело ку потокам лавы, котрые аж досягли берег океана. Далше подобне велике флангове вывержѣня стало ся в року 1718. Послѣдне вывержѣня было в децембрѣ 1720.[2]
Регионалный центер сейсмичного и вулканологичного мониторинга, порт. CIVISA Centro de Informação e Vigilância Sismovulcânica dos Açores, зафиксовав 29 септембря 2009, же фумарола на додаточном, меншом конусѣ (Пикиньо) зачала выпущати вулканичны газы, але было то в границях нормы и вулкан зоставать в заспалом станѣ.
Сучасный рельеф острова сформованый трьома историчныма ерупциями (1562, 1718 и 1720). Штруктурно ся роздѣлять на сам вулкан и восточну роспукленинову зону. Вулкан мать на вершку кратер 500 м широкый и 30 м глубокый. З едного боку ся над кратером здвигать на вышку 70 м малый вулканичный конус, котрый творить правдивый вершок горы и называть ся Пикиньо, порт. Piquinho малый вершок. На вершку Пикиньо лежить зона, де фурт выходить горяча водяна пара (50 °C аж 75 °C). Суть тыж иншы каналы выхода пары и газох во вышках 1500 м и 2000 м.[3]
Доступный туристичный пѣшник, котрым ся мож достати на вершок вулкана, што забере двѣ – четыри годины.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.