From Wikipedia, the free encyclopedia
Персийскый залив — морскый залив Индийского океана, котрый оддѣлюе Иран од Арабского полуострова.[1]
| Персийскый залив | |
|---|---|
| перс. خلیج فارس ар. الخليج العربي | |
 Мапа Персийского залива | |
| Полога | |
| Континент | Азия |
| Держава | Иран, Ирак, Саудска Арабия, Кувайт, Катар, Бахрейн, Споены Арабскы Емираты, Оман |
| Координаты | 26°36′17″N 51°32′51″E |
| Розмѣры | |
| Розлога | 240 000 км2 |
| Довжка | 926 км |
| Ширина | 180–320 км |
| Глубина мкс | 115 м |
| Тип объекта | морскый залив |
| Персийскый залив на Викискладѣ | |
Залив названый подля историчной области Персида од етнонима Персы, котра лежала на восточном березѣ од VI. стороча до н. е.. В середновѣку ку захранѣню историчной назвы приспѣла овельо векша заселеность восточного берега сопротив западному, арабскому. В сучасности Иран хоснуе и обстоюе историчну назву перс. خلیج فارس Халидж-е-Фарс (Персийскый залив), але арабскы штаты поуживають властну назву ар. الخليج العربي Ел-Халидж-ел-Араби (Арабскый залив).[2]
Простертый од юговостока на сѣверозапад. На востоку, через Ормузску узину и Оманскый залив споеный з Арабскым морьом. Плоха 240 тыс. км2, довжка 926 км, ширина 180–320 км. Глубины под 50 м, найвекша, при входѣ до залива —115 м. При берегах много малых островкох, в южной части — кораловы рифы. Найвекшы островы — Бахрейн и Кешм (на граници з Ормузсков узинов. Теплота воды в августѣ 30–35°С, в фебруарѣ 15-21°С. Соленость до 42‰.[3]
.gif)
На днѣ залива и прилеглых териториях суть обширны найдища ропы и земного газа. Регион до року 1972 держала под военсков контролов Велика Британия. По одходѣ британскых войск их мѣсто заняв сталый военскый контингент США подля росказу президента Никсона, а президент Картер 23. януара 1980 выголосив залив америцков зонов вплыву и варовав, же «каждый, кто ся покусить зыскати вплыв над заливом, буде одраженый вшиткыма можныма средствами, аж и военсков силов»; утриманя америцкого войска в заливѣ коштуе рочно $60 млрд.[4] Военны операции в заливѣ в роках 1991 и 2003 причинили великы екологичны шкоды..[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
