![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/30/Ziemie_Odzyskane.png/640px-Ziemie_Odzyskane.png&w=640&q=50)
Одзысканы землѣ
From Wikipedia, the free encyclopedia
Одзысканы землѣ, пол. Ziemie Odzyskane — западны и сѣверны територии днешной Польщѣ, котры в згодѣ з постановлѣнями Потсдамской конференции были переданы Польщи.[1]
![Thumb image](http://upload.wikimedia.org/wikipedia/commons/thumb/3/30/Ziemie_Odzyskane.png/320px-Ziemie_Odzyskane.png)
![Thumb image](http://upload.wikimedia.org/wikipedia/commons/thumb/9/93/Curzon_line_pl.svg/320px-Curzon_line_pl.svg.png)
Ружова — землѣ, прилучены в року 1945
Сѣда — землѣ, одняты в роках 1945–1947
В часѣ Другой свѣтовой войны «велика тройка» даколько разы ся догваряла о границях будучой Польщѣ. В резултатѣ догваряня была вызнана, меджи иншым, збройна анексия територии Польщи, котрой ся допустив СССР в року 1939, а тоты змѣны границь были пак заакцептованы на Тегеранской конференции. Окреслѣня польско-совѣтской границѣ было тыж предметом переговорох держав в Ялтѣ во фебруарѣ 1945, и было записане до концьового протокола конференции. Польско-совѣтска граница была остаточно установлена з меджинароднов правоплатностьов в догодѣ меджи Републиков Польща и СССР, котру подписали Дочасна влада народной едности, сформована подля протокола Ялтинскых догод. и влада СССР в Москвѣ 16. августа 1945.[2]
Нова границя, статус и приналежность одзысканых земель были унормованы двобочныма догодами Польщѣ з Восточнов Германиев в року 1950, Западнов Германиев — в року 1970, наконець, ещи раз, зоз Германиев (по злучѣню обох штатох) — 14. новембра 1990. Територия Одзысканых земель чинить 101 000 км2, циже около 1/3 цѣлой територии Польщѣ.[3]
Официална влада Германии вызнавать екзистуючый статус и дистанцуе ся од чинности окремых сполоченскых организаций и политичных партий, котры поважують тоты догоды несправедливыма и оспорныма.[4]