Нумидия
From Wikipedia, the free encyclopedia
From Wikipedia, the free encyclopedia
Нумидия, берб. Inumiden — была старовѣкым берберскым кральовством в сѣверной Африцѣ, котре ся пак стало провинциев Римской републикы.
| Нумидия Inumiden
| |||||||||
География
| |||||||||
Цирта (днешный Константин) | |||||||||
| Обывательство | |||||||||
Народностне зложѣня |
Нумиды, Либийчане, Картагенцѣ (Феничане, Пуны), Берберы | ||||||||
нумидскый, латинскый, феницкый (пунскый), берберскы | |||||||||
| Державна организация | |||||||||
Форма влады |
|||||||||
| |||||||||
Тото кральовство находило ся на територии днешного Алжира и Туниса. Сусѣдило на западѣ з римсков провинциев Мавритания (днешне сѣверне Марокко и сѣверозападный Алжир), а на востоку з римсков провинциев Африка (днешный Тунис). На сѣверѣ было ограничене Средоземным морьом, а на югу пустыньов Сагара, точнѣйше горскым пасмом Атлас.[1]
Нумиды вели вандровный способ живота, а тота их назва е од номад.[1] Дѣлили ся на два племена: Массаесилы на западѣ и Массилы на востоку. Были добры ѣздцѣ и бойовникы. Нумидскы скушености в ѣздецтвѣ, хованю кони, кавалерийской тактицѣ были перебраны Римлянами и послужили им при створѣню римской кавалерии.[2]
В Другой пунской войнѣ два племена нумидскы войовали на противных сторонах. Краль Массаесилох Масинисса, котрый жив коло Цирты (днесь Константин), спочатку прихыленець Картагены, перешов на сторону Римлян и много ся прислужив до их побѣды. За то му Римляне помогли добыти владу над цѣлов Нумидиев (202 до н. е.) и подтримовали го аж до смерти (148 до н.е.) При кральови Масиниссѣ велика часть Нумидох перешла на осѣдлый способ живота. По его смерти Римляне зась мудро роздѣлили Нумидию на даколько вазалных провинций, але прогрес в газдованю захранив ся и розвивав ся.[2]
В року 118 до н.е. Югурта, немалженскый внук Масиниссы, узурповав трон, зась зобрав под свою владу цѣлу Нумидию и бойовав, жебы выслободити ю спод Рима, але в року 105 до н.е. Римляне зыскали назад повну контролу и роздѣлили державу на вазалны провинции.[2]
Третю и послѣдну пробу зыскати независимость зробив краль Юба І. в роках 49–46 до н.е., але неуспѣв. Император Цезарь розмѣстив в Нумидии стале римске войско, з восточной части створив римску провинцию Африка (46 до н. е.). Главным городом провинции была Цирта (днесь Константин), важным приставом — Гиппо Региус (днешна Аннаба). Западну часть пак прилучили ку Мавритании, вазалному кральовству Рима.[1][2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
