Новоселиця (Тячовскый район)

Новоселиця — село в Тячовском районѣ Закарпатской области Украины.

Суть другы вызнамы, см. Новоселиця.

Cело Украины Новоселиця Грекокатолицка деревяна церковь Вознесенья (1798) Давны назвы Taracújfalu мад.[1] Еврорегион КарпатыКарпаты Область ЗакарпатскаЗакарпатска Район Тячовскый Сельска рада Новоселицка Координаты 48.166944, 23.75777848°10′01″ с. ш. 23°45′28″ в. д.48.166944° с. ш. 23.757778° в. д. (G) (O) (Я) Розлога 27 км² Надморска вышка 346 м Обывательство 3120 особ (2001) Часова зона UTC+2, влѣтѣ UTC+3 Телефонный код +380-3134 Поштовый индекс 90533 КОАТУУ 2124485301

Полога и околиця

Новоселиця — центер сельской рады, розмѣщена в долинѣ рѣчкы Лужанка, межи Широкым Лугом и Нересницьов, за 29 км на сѣверовосток од райцентра и за 5 км од желѣзничной штации Нересниця,^[2] але желѣзниця перестала ходити року 1998.^[3] В околици села суть найдища мрамора высокой якости, плохов 600 га, котры в чехословацкой добѣ розробляли ся сполочностьов з чешскым и австро-нѣмецкым капиталом. В околици были три соляны жерела, з котрых добывали ропу и з ней выварьовали кухеньску соль.^[4]

История

Первый раз спомянуто в жерелах року 1600^[2] под назвов Also Nyireznycze (Нижна Нересниця). Року 1930 в селѣ были 2253 обывателе, з того Русины —1871, Евреи — 356, Чехы и Словаци – 6, Мадяре — 6, Нѣмцѣ — 1, иншы — 6, чужоземцѣ — 7. Грекокатоликы были 936, православны —935. Грекокатолицка деревяна церковь Вознесенья (1798) мала вежу вышкы 16 м, але згорѣла року 1928. Року 1931 выставлена камяна грекокатолицка церковь Введенья Пречистой Богородицѣ. Православна деревяна церковь Благовѣщенья Пречистой Богородицѣ (1925) была розобрана в року 1993.^[4] Намѣсто ней выставленый мурованый Свято-Покровскый храм (поз. фото).

22. октобра 1944 село выслободжено од нѣмецко-мадярскых фашистов. В току далшой войны 18. апрѣля 1945 при выслободжѣню Штитины Опавского окреса Чехословакии быв закатованый фашистами Иван Кубинець, Народный Герой Чехословакии,^[5] родак з Новоселицѣ, котрого память честують в обох селах. Року 1969 село мало 2330 обыватели.^[2]

Сельска рада

90533. с. Новоселиця Тячівського району Закарпатської обл., вул.Борканюка,143, тел. 6-33-17 (укр).

Жерела

• Vavroušek, Bohumil. Církevní pamatky na Podkarpatské Rusi. Kvasnička a Hampl. Praha, 1929.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5
• Dr. Jiří Král. Podkarpatská Rus. V Praze, nákladem vlastním, 1924.
• Тронько П. и др. (ред.) Історія міст і сіл України. Том 7. Закарпатська область. К. 1969.
• Троян М.В. Того дня зійшло сонце. «Карпати». Ужгород, 1979.

Одказы

• Свято-Покровскый храм в Новоселици (фото: М.Токар, 2017)
• Усть-Чорнянска желѣзниця (укр.)

Референції

1. Dr. Jiří Král, с. 108
2. Тронько, с. 47
3. Усть-Чорнянска желѣзниця
4. Достал, с. 234
5. Троян, с. 29

Навигация по Тячовскому району Районный центер: Тячово Мѣстечка: Буштино • Дубовое • Солотвино • Тересва • Усть-Чорна Села: Бедевля  • Біловарци  • Бобовое  •Велика Уголька  • Вышньый Дубовиць  • Вышоватый  • Вонигово  • Вульховцѣ  • Вульховцѣ-Лазы  • Вульховчик  • Ганичі  • Глиняный  • Глубокый Поток  • Груникы  • Грушово  • Дубровка  • Добрянске  • Дулово  • Калины  • Колодное  • Красна (Тячӯвськый район)  • Крива  • Крычово  • Лазы  • Лопухово  • Мала Уголька  • Нересниця  • Нижньый Дубовиць  • Нижна Апша  • Нѣмецка Мокра  • Новобарово  • Новоселиця  • Округла  • Петрушов  • Пещера  • Подплеша  • Подішор  • Пригодь  • Раково  • Ровное  • Росош  • Руня (Украйина)  • Руська Мокра  • Руське Поле  • Сасово  • Тарасовка  • Теребля  • Терново  • Тисалово  • Топчино  • Тячӯвка  • Угля  • Фонтинясы  • Чумальово  • Широкый Луг