![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2f/Child_baptism_with_water.jpg/640px-Child_baptism_with_water.jpg&w=640&q=50)
Нанашко
From Wikipedia, the free encyclopedia
Нанашко — особа, котрой социална функция брати участь в обрядѣ крещѣня, принести и прияти крещену дѣтину од крестной купели и надале прияти ся духовнов опѣков над новокрещеным. Религийна повинность нанашка обсягуе тыж и материалны повинности: в припадѣ, кедь крестна дѣтина осиротѣе, або его родичове не мають можность его утримовати, мусить ся о то постарати сам нанашко. З той причины не може быти нанашком особа некрещена, або несолвентна. Мае тыж належати до той самой конфесии, што и крестна дѣтина. Не може быти нанашком неповнолѣтна особа, монах або монашка. В окремых Церквах суть еще острѣйшы заказы. Меджи нанашком и крестнов дѣтинов а тыж ей родичами наставать духовне родинство (cognatio spiritualis), котре не може быти розорване.[1]
![Thumb image](http://upload.wikimedia.org/wikipedia/commons/thumb/2/2f/Child_baptism_with_water.jpg/640px-Child_baptism_with_water.jpg)
В дакотрых конфесиях мають быти оба духовны родичове: нанашко и нанашка; в иншых може быти лем еден з них.
Синонимами нанашка и нанашкы суть: батечко и маточка, крестный отець и крестна мати.