Лениновы легѣнѣ

Лениновы легѣнѣ, мад. Lenin-fiúk— вызброена бригада комунистох, сформована в року 1919 на оборону Мадярской Совѣтской Републики од контрареволуции, числом около 200 людей, под командов Йожефа Черны.

Йожеф Черны (одлѣва) и Лениновы легѣнѣ

Червеный терор

Лениновы легѣнѣ Черного носили кожаны кабаты, униформовы шапкы, вызброй, и мали на зачатку официалну функцию охраны Тибора Самуели, заступника военного народного комисаря. По часѣ стали ся они органом терора, а Самуели став ся велительом еще едной групы карательох, з котров по силѣ штатарии, выголошеной уже 21. марца 1919, чинив екзекуции над протестуючыма без всякого суда.^[1]

На нерѣшителну позицию односно репресий став комунистичный лидер Бейла Кун,^[1] чим фактично дозволив Лениновым легѣням крайну бруталность при задушованю всякых протестох опонентох. Поднуковав их на крутость и Тибор Самуели.

„	Всягды бѣгають, пысканять контрареволуционеры, бийте их! Забийте их там, де их найдете! Кедь лем на едну годину удасть ся контрареволуция, не буде помилованя ани едному пролетарьови. Най ся утоплять в их властной кровли скорше, неж они утоплять в кровли револуцию!	”
Оригиналный текст (мад.) „„Mindenütt szaladgálnak, ágálnak az ellenforradalmárok, üssétek le őket! Üssétek agyon ott, ahol találjátok őket! Ha csak egy órára is sikerül felülkerekedni az ellenforradalomnak, nem lesz kíméletes egyetlen proletárral sem. Mielőtt vérébe fojtanák a forradalmat, fojtsátok őket a vérükbe!”” Szamuely Tibor, Vörös Újság, 1919. február 11.

Послѣдный акт

1. августа 1919 в часѣ наступу на Будапешт румынского и французского войска Бейла Кун перед членами влады и партийным веджѣньом выголосив пад совѣтской републикы, обвинивши народ, же не став на барикады.^[2] 6. августа въедно з партийныма лидерами утѣк до Австрии, а Лениновы легѣнѣ, котрым ся не подарило утечи, стали ся жертвами контрареволучной одплаты. Йожеф Черны и еще 13 велительох Лениновых легѣньох были новов владов засуджены на смерть через завѣшѣня, котре было докончене 18. децембра 1919 во дворѣ военской темницѣ Маргит-керут. Зо вшиткых засудженых Йожеф Черны быв завѣшеный на самый конець.^[3][4]

Имя	Занятя	Вѣра	Вѣк	Умер
Cserny József	гарбярь	реформатска	27	12.45
Papp Sándor	шлосерчик	реформатска	30	12.30
Kakas Ferenc	купелник	римокатолицка	29	10.15
Mészáros Sándor	мурничок	реформатска	23	08.30
Schön Gábor	штудент права	израелитска	23	08.00
Max Miksa	складник	израелитска	24	10.00
Bonyháti Tibor	штудент права	реформатска	25	12.00
Groó Géza	токарь	евангелицка	33	08.45
Löbl Mór	хыжмалярь	израелитска	28	11.00
Csomor Gábor	конярь	римокатолицка	22	12.15
Steiger János	автомеханик	римокатолицка	36	09.00
Löscher Márton	хыжмалярь	реформатска	28	09.45
Küvér Lajos	санитар	римокатолицка	26	09.15
Neumayer Géza	столярьчик	римокатолицка	24	09.30

Жерела и одказы

• Ormos Mária: Világháború és forradalmak, 1914-1919. //Magyarország története. Főszerkesztő Romsics Ignác. Köt. 18. Kossuth Kiadó, 2009. ISBN 978-963-09-5695-6
• Borsanyi, Gyorgy. The Life of a Communist Revolutionary, Béla Kun, translated by Mario Fenyo, Boulder, Colorado: Social Science Monographs; New York: Distributed by Columbia University Press, 1993.
• Cecile Tormay: An outlaw's diary (1923)

Commons

Вікісклад має мултімедіалны дата на тему:

Лениновы легѣнѣ

Референции

1. Ormos Mária, сс. 82–83.
2. Ormos Mária, с. 103.
3. Kivégezték a terroristákat, Délmagyarország, 1919. december 19. Доступно онлайн
4. "Execute Joseph Cserny And 13 Other Reds; Commander of 'Lenin Boys' Pays Penalty of His Crimes at Budapest", The New York Times, December 23, 1919

Тоты даны суть часточно або цалком основаны на перекладах статей Lenin Boys на анґліцькій Вікіпедії a Lenin-fiúk на мадярьскій Вікіпедії.