From Wikipedia, the free encyclopedia
Катар, ар. قطر Qatar; официално Штат Катара, ар. دولة قطر Dawlat Qaṭar, англ. The State of Qatar — держава в югозападной Азии, на полуостровѣ Катар.[1]
| Катар араб. دولة قطر | |
|---|---|
Застава и герб
25°30′N 51°15′E | |
| Розлога | 11586 км2 |
| Обывательство | 2.638.657 |
| Столиця | Доуга |
| ГДП на особу | $129360 |
| Интернет-домен | .qa |
| Часова зона | UTC+3 |
| Телефонный код | +974 |
| *** | |
Держава зо скоро наростаючым обывательством: днесь девять разы тельо, як было в року 1986 (300 тыс.),[1] але корѣнне обывательсто чинить лем 1/4, а 3/4 суть имигранты.
Городске обывательство — над 90%. Официалный язык — арабскый. Державна религия — ислам. Главный город — Доуга. Державне заряджѣня — абсолутна монархия. Глава державы — емир.[1]
Низинна пустыня, ровнина. Клима тропична, суха. Середня теплота януара 16°С, юла — 32°С. Атмосферичны падавины до 125 мм рочно. Рѣкы не суть, аграрна продукция лем в оазах.[1]
Од VII. стороча в Арабском халифатѣ. В XIII. – XIV. сторочах под владов емиров Бахрейна; в зачатку XVI. стороча — Португалцьов, затым — Османской империи. В роках 1916 –1971 под британскым протекторатом.[1]
По безкровном державном переворотѣ в року 1995 (сын одстранив од влады отця) зачали ся радикалны реформы. Створена сателитна новинова агенция Al-Jazeera и Катар зачав доставати векшу вагу в рѣшѣню регионалных конфликтох. В року 2007 Катар досяг найвысшый во свѣтѣ ГДП на особу.
По регионалных неспокоях в року 2011 Катар хвалив ся свойов подпоров многых регионалных «револуций», наймя в Либии и Сирии. Тов политиков погубив одношѣня з Бахрейном, Египтом, Саудсков Арабиов, Споеныма Арабскыма Емиратами. По куртом примирѣню (2014), в року 2017 тоты державы розорвали з Катаром дипломатичны и економичны одношѣня.[2]
Економика основана на експортѣ сырой ропы и земного газа. При днешном темпѣ експорта ропы застане на дас 56 рокы. Резервы земного газа чинять 13% од свѣтовых.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
