From Wikipedia, the free encyclopedia
Карл Ла́ндштайнер, нѣм. Karl Landsteiner; *14. юн 1868, Вѣдень, Австро-Мадярщина — †26. юн 1943, Ню Йорк, США — австрийскый и америцкый дохтор, хемик, имунолог, инфекциониста. Первый выгледовач в области имуногематологии и иммунохемии, автор робот зоз молекуларной и бунковой физиологии реакции организма на розмыты антигены и при том взникаючы шпецифичны и нешпецифичны явы. Лавреат Нобела зоз физиологии и медицины (1930)[1] за объявлѣня груп кровли у чоловѣка, што дозволило учинити переливаня кровли рутиннов медицинсков процедуров. Лавреат награды Ласкера-Дебейки за клиничны медицинскы выгледованя (1946, посмертно).
| Карл Ландштайнер | |
|---|---|
| Karl Landsteiner | |
 Австрийскый дохтор, Нобелов лавреат | |
| Познатый як | объявитель груп кровли |
| Горожанство | Австро-Угорьско, США |
| Уроджѣня | юна 14., 1868 |
| Вѣдень, Австро-Мадярщина | |
| Упокоеня | юна 26., 1943 (75 р.) |
| Ню Йорк, США | |
| Причина | сердцьовый напад |
| Похованя | Prospect Hill Cemetery 112268473 |
| Научна робота | |
| Сферы наук | имунология, биохемия |
| Alma mater | Вѣденска универзита |
| Главны роботы | Групы кровли |
| Узнаня | |
| Честны титулы | Нобелова награда, 1930 Ласкера-Дебейки награда, 1946 |
| Членство в | Лондонске кральовске общество (29 марец 1941) |
| Одзнакы | |
| Помилка Lua у Модуль:Wd у рядку 2006: attempt to concatenate a nil value. | |
 | |
| Карл Ландштайнер на Викискладѣ VIAF:32791609; GND:118726226; LCCN:n50038729; FAST:13231; BNF:16555495q; OL:OL122270A; Ту можуть быти податкы з Wikidata, не контролованы авторами статѣ | |
| Австрийска банковка номинала 1000 шилингы, котра ходила од року 1997 до заведжѣна евра в року 2002. На лицьови банковкы австрийский имунолог Карл Ландштайнер (1868—1943). Многы пятьуголникы на зображѣню припоминають о его штудиях над полиовирусом. На опаку Ландштайнер за микроскопом во своей лаборатории. Злѣва в пятьуголнику — штилизоване зображѣня скуплѣня кровинок припоминать о выявлѣню груп кровли. В правом кутѣ — геометричный модел полиовируса. | |
 https://supermonetki.ru/product_info.php?products_id=11692 |
Родив ся 14. юна 1868 в Баденѣ под Вѣдньом[2][3], в еврейской фамилии, моравского походжѣня[4]. Отець му, Леополд Ландштайнер (1818—1875), — вызнамный новинарь родом з Николсбурга, доктор права, основатель и первый редактор новинкы «Die Presse» (1848), позднѣйше тыж закладатель еще едной новинкы «Die Morgenpost», — умер, коли дѣтвак мав 6 рокы[5]. Карла воспитала мати, Фанни Гесс (1837—1908), родачка зоз Проснитца, котрой быв барз одданый. В децембру 1890 переступив на католицтво, што перед ним отворило академичну карьеру[4][6]. Во фебруарѣ 1891 зыскав дохторску диплому на медицинской факултѣ Вѣденской универзиты и продовжовав роботу на универзитѣ яко выгледовач и педагог.
В роках 1891—1896 заинтересовав ся хемиов, котру штудовав током пятьох рокох, добываючи практичны скушености во Вюрцбургу, Мюнхенѣ и Цуриху.
В року 1896 вернув ся до Вѣдня, достав мѣсто асистента во Вѣденском инштитутѣ гигиены. Такой того року зистив, же лабораторны културы бактерий мож аглутиновати, додавши имуннный кровный серум.
Од року 1898 Ландштайнер працовав на катедрѣ патологоанатомии Вѣденской универзиты, де его наставниками были професор А. Вейхселбаум, зистившый бактериалну природу менингита, и А. Френкел, объявившый пневмококы (диплокок Френкела). В том часѣ захопила го имунология.
В року 1900 Ландштайнер, тогды асистент Вѣденского инштитута патологии, побрав кровь собѣ и пятьом своим колегам, оддѣлив серум от еритроцитох з помочов центрифугы и змѣшав окремы взоркы еритроцитох зоз серумом кровли розличных особ и зо своев. В сполочной роботѣ з Л. Янскым подля притомности або непритомности аглутинации Ландштайнер роздѣлив вшиткы взоркы кровли на три групы: А, В и 0. Два рокы нато ученикы Ландштайнера Алфред Штурли и Адриано Декастелло выказали четверту групу кровли — АВ. Стямивши то, же властный серум кровли не давать аглутинацию зоз «своима» еритроцитами, ученый прийшов на вывод, познатый в сучасности як строге правило Ландштайнера: «В организмѣ чоловѣка антиген групы кровли (аглутиноген) и антитѣла ку ньому (аглутинины) нигда не коекзистують». За свои объявлѣня Ландштайнер зыскав в року 1930 Нобелову награду.
В роках 1908—1911, яко главный патологоанатом Вѣденской кральовской болницѣ Wilhelminenspital, Ландштайнер сконцентровав ся на штудиях дѣтской парализы.
В року 1909 сполу з С. Поппером зистив инфекчну природу дѣтской парализы.
В року 1911 став ся професором Вѣденской универзиты.
В року 1916 побрав ся з Гелен Власто, а о рок нато им ся родив сын Ернест Карл[7].
В часѣ Первой свѣтовой войны емигровав до Нидерландох.
В року 1922 быв позваный стати на чоло лаборатории в Центрѣ медицинских выгледовань Рокфеллеровской универзиты (Ню Йорк).
В роках 1927—1928 под его проводом при участи Александра Винера и Филипа Левина были объявлены антигенны системы еритроцитох чоловѣка: MN и P.
В року 1939, уже 70-рочный, достав од Рокфеллеровской универзиты честный титул «Заслуженый професор во выслужбѣ», але продовжав робити. Якраз в том часѣ, в роках 1939—1942, под его проводом А. Винер — еден з найталентованых ученикох, объявив нову систему антигенох Rh-Hr.[8][1] За объявлѣня и штудии той системы А. Винер, К. Ландштайнер, Ф. Левин и Дж. Магони достали награду Алберта Ласкера за клиничны медицинскы выгледованя (1946).
24. юн 1943 Ландштайнер в лаборатории за робочым столом достав тяжкый напад сердечной ангины и быв покладеный до шпиталя Рокфеллеровской универзиты. Два дны нато, 26. юна, поминув.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
