Капитула

Капитула, лат. capitulum — колегия каноникох, яка помагать епископу в справованю епархии.^[1][2]

Надзвычайны функции

Кедь епископ з даякой причины не годен справовати епархию (sede impedita), повинность справованя переходить на капитулу, а кедь пост епископа вывольнить ся (sede vacante), капитула под 8 днями мать выбрати змеджи себе его заступника (vicarius capitularis), котрый справуе епархию, и економа (oeconomus), котрый веде финанции.^[2]

Епископ и капитула в процесии, Белгия

Свои капитулы мають и монашы ордены.^[3]

В Православной Церкви функции капитулы несе епископска конзистория.^[4]

Капитулы в сучасности

Другый Ватиканскый собор (1962–1965) рекомендовав Папови реформовати функции капитулы, створивши еще новы колегиалны органы. По силѣ тых рекомендаций папа Павел VI. в документѣ Ecclesiae Sanctae (6.8.1966) постановив, же капитулы в их функции справованя епархии вычерять Колегия конзултантох (од 6 до 12 членох). Компетенция капитул была ограничена, главнѣ, участьов в богослужбѣ в храмах, а тыж выконаньом окремых повѣрѣнь епархиалного епископа (Кодекс каноничного права, 1983, канон 503).^[3]

Жерела

• Ottův slovník naučný. Illustrovaná encyklopaedie obecných vědomostí. Díl 1–28. Vyd. J. Otto. V Praze, 1888–1909.
• Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935.
• Енциклопедія українознавства. У 10-х т. / Гол. ред. Володимир Кубійович. — Париж; Нью-Йорк: Молоде Життя, 1954—1989.
• Овсиенко Ф.Г.: Капитул. //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. (ISBN 978-5-8291-1084-0 Академический Проект) (ISBN 978-5-98426-067-1 Гаудеамус) — Сс. 619–620.

Референции

1. Ottův slovník naučný, том 13, сс, 964–965.
2. Révai nagy lexikona, том 11, с. 230.
3. Овсиенко Ф.Г.: Капитул.
4. Кубійович В., том 3, сс. 955–956.