From Wikipedia, the free encyclopedia
Зарѣча, укр. Заріччя — село на Иршавщинѣ в Закарпатской области Украины.[2] До року 2020 административно належало ку Иршавскому району, од року 2020 — ку Хустскому. Центер Зарѣчанской сельской громады, до котрой належать тыж села Гребля, Нижное Болотное, Ольховка.
Село Украины
Зарѣча
укр. Заріччя
|
Перва исторична споминка датована роком 1242.[2]
Од зачатку властникы села были люде з рода Гачайох (Gacsályiak), аж до року 1483, коли тот род вымер. До Трианона село належало ку правобережному, Притисянскому округу (Tiszáninneni járás) жупы Угоча (на мапѣ жупы означеный ч. 1). В року 1910 (мадярска доба) в селѣ были 1703 обывателѣ: 1572 Русины, 107 Нѣмцѣ, 18 Мадяре. Религийны громады: грекокатолици 1595 особ, израелиты 107 особ.[3]
В року 1930 (чехословацка доба 1919–1939) в селѣ Zářiči (Alsókaraszló) быв 1721 обыватель: 1615 Русины, 95 Евреи, 2 Чехы и Словаци, 9 чужоземцѣ (без чехословацкого горожанства). Грекокатолицка громада числила 1588 вѣрникы и мала муровану церкву Св. Духа од року 1881. В селѣ быв нотарскый уряд, ходив державный автобус. Была русинска школа (6 клас). [4]
Украинска история села зачала ся писати 25. октобра 1944, коли село было выслободжене од фашистичной окупации 17. гардийскым корпусом Червеной Армады. За рокы совѣтской влады отворена середня школа, културный дом, библиотека, до року 1969 збудованы над 1000 будинкы. В року 1969 в селѣ жили 2758 особ.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.