From Wikipedia, the free encyclopedia
Де́брецен, мад. Debrecen — город на выходѣ Мадярщины, другый найвекшый город (подля обывательства) по Будапештѣ, административный центер жупы Гайду-Бигар. Число обывательох дньом 1. януара 2019 — 201 432 особы.[1]
Другый найвекшый город Мадярщины
Дебрецен
Debrecen
|
Дебрецен — великый транспортный узел, важный экономичный и културный центер. Мать веце конари машинарства (в том числѣ вагоновый; выроба лагрох, медицинского обладунку, земледѣлскых машин), ай иншы промысловы конарѣ: хемия, фармацевтика, конфекция, бутор, скорарско-обувный промысел, потравинарство. Научный центер: универзита, инштитуты атомовых выгледовань и физикы Сонця. Културны объекты: музеи, театер, архитектурны памятникы XVIII.–XIX. стороча. Балнеологичны купелѣ.[2]
Перва упоминка в историчных документах датована роком 1235, в року 1361 достав статус мѣстечка, в року 1693 — вольного кральовского города.[3]
Од половкы XVI. стороча Дебрецен вылучно протестантскый. Великый двохтурневый реформатскый костел став ся архитектурным символом Дебрецена, а город достав назывку калвинского Рима.[4]
Двараз в истории Дебрецен достав быв функцию главного города Мадярщины: в року 1849 ту ся перенесла револучна влада, ту парламент прияв Декларацию независимости, а в року 1944 ту были сформованы дочасна влада и парламент, котры выголосили войну нацистичной Германии.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.