From Wikipedia, the free encyclopedia
Горонда́, мад. Gorond, чеш. Goronda — село в Мукачовском районѣ Закарпатской области Украины.
Cело Украины
Горонда
|
Село оддалене од Мукачова о 12 км, на линии Мукачово–Чоп, мать желѣзничну штацию (Страбичово), сполочну з сосѣдным селом Страбичово, од котрого оддѣлене лем штреков. В околици мать лѣс ай иригачный канал.[2] Оддалѣня од районного центра по автодорозѣ — 16 км.[3]
Перва упоминка в историчных жерелах датована роком 1550.[3]
В року 1910 в Горондѣ зоз 1626 обывательох были: 1336 Русины, 279 Мадяры. Подля вѣровызнаня были 1435 грекокатолици, 50 реформаты, 99 израелиты.[4] До Трианона село административно належало ку Мукачовскому округу (Munkácsi járás) жупы Берег.
В року 1930 (чехословацка доба) обывательство села было 2102 особы: 1869 Русины, 109 Евреи, 46 Мадяры, 39 Чехы и Словаци, 39 чужоземцѣ. Православна громада числила 1597 вѣрникох и мала муровану церкву Рождества Пресвятой Богородицѣ з року 1894. Школы были: русинска (7 клас) и чешска (2 класы). В селѣ быв нотарскый уряд и паленчарня.[5]
25. октобра 1944 Горонда выслободжена од мадярско-нѣмецкых окупантох Червенов армадов, 25 хлопох пошли добровольцями на фронт, и зачала ся совѣтско-украинска доба истории села. В року 1969 в селѣ жили 3462 особы, а за сплынулы 25 рокы той добы были збудованы середня школа, двѣ библиотекы, клуб; обводова болниця, понад 400 бывалных хыж, комбинат бытовых служб и вельо иншых сполоченскых заряджѣнь. За тот час 23 жителѣ села достали высокошколске образованя.[3]
Назва села праславянского походжѣня: гряда «сухе мѣсто серед болота, плытчина, лѣсиста вышинка». Звязана алтернациов з польского диалектного grąd «лѣсный остров; лѣсиста вышинка».[6] В мадярском языку апелатив gorond мать вызнам «вышинка, што выставать на 1–2 метры над рѣчнов заплавов».[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.