![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/ca/CzerwonySzlakTurystyczny.jpg/640px-CzerwonySzlakTurystyczny.jpg&w=640&q=50)
Головна бескидска маґістрала
From Wikipedia, the free encyclopedia
Головна бескидска маґістрала имени Казімєжа Сосновского (поль. Główny Szlak Beskidzki imienia Kazimierza Sosnowskiego, "GSB") — піша турістічна маґістрала, котра переходить з Устроня в Слезскых Бескидах до Волосатого в Буковскых Верхах (поль. Бещады).
![Thumb image](http://upload.wikimedia.org/wikipedia/commons/thumb/c/ca/CzerwonySzlakTurystyczny.jpg/640px-CzerwonySzlakTurystyczny.jpg)
Найдовшый пішник в польскых горах, має около 496[1] км довгости, проходить през Слезскы Бескиды, Бескид Жывєцкий, Ґорце, Бескид Сондецкий, Низкы Бескиды та Бещады. Переходячы през найвысшы часткы польскых Бескид дозволяє приступ на: Стожек Вєлькі (чеськ. Велькі Стожек), Бараню Ґуру, Бабю Ґуру, Полицю, Турбач, Любань, Перегыбу, Раджєёву, Яворину Криницьку, Ротунду, Церґову, Хрещату, Смерек і Галич та до населеных понктов як: Устронь, Венґєрска Ґурка, Йорданув, Ранка-Здруй, Крощєнко над Дунайцем, Ритро, Крениця, Івонич-Здруй, Риманів-Здруй, Команьча, Тісна, Устрики Горішні т т.д.
Головна бескидска маґістрала была вызначена в міджівоєнным періодѣ. Траса западной частини (Устронь - Крениця) была предпокладана Казімєжом Сосновским і докінчена в року 1929. Восточна частина, в згодї з проектом Мечислава Орловіча, была докінчена в року 1935 і водила аж до Чорногоры, котра находила ся в том часѣ в граніцѣ Польска. Міджі 1935 та 1939 носила імя Юзефа Пілсудского.[2].