Геолингвистика
From Wikipedia, the free encyclopedia
Геолингвистика або лингвистична география — оддѣл языкознаня, котрый мать своим предметом териториалне росширѣня языкох або языковых явох.[1]
Геолингвистика ся вывинула з диалектологии в конци XIX. стороча, а ей взник ся тѣсно вяже зоз мапованьом диалектичных роздѣлох и створѣньом диалектичных мап.[1] Мож поважовати, же пионерами в той роботѣ были нѣмецкый диалектолог Георг Венкер (1852–1911) и фонетиста Фердинанд Вреде (1863–1934) котры по веце як 30-рочных пробах выробили методику лингвистичного мапованя и анкетованя, а в року 1926 выдали первый лингвистичный атлас.[2]
Лингвистичны мапы, зроблены в розличных историчных моментах, уможнюють позорованя вывоя и окреслѣня тенденции диалектох и розличных языковых явох.[1]