From Wikipedia, the free encyclopedia
Бескиды — незвязны хребты во вонкашном пасмѣ Карпат, од Чехословакии по Украину.[1]
Бескид — часто стрѣчана назва горы в Карпатах. Тота назва ся нерѣдко хоснуе и про групы гор, ай в тых припадах, коли их меджи не суть выразно окреслены.[2]
Подля Юрия Венелина, бескиды суть найвысшы хребты, котры покрыты лѣсом.
| „ | Карпатскіе Русаки полониной называютъ высочайшіе хребты, если они покрыты не лѣсомъ, а травою; бескидами если покрыты лѣсомъ... | ” |
| Юрій Венелинъ. О характерѣ народныхъ пѣсенъ у славянъ задунайскихъ. Томъ 1. Москва, 1835, с. 33. Доступно онлайн | ||
Мадярскый географ академик Янош Гунфалви означав Бескиды яко горны ланцы, што тягнуть ся вздовж сѣверных границь историчного Мадярского кральовства од Шлезии по Галичину.[2]
Бескиды роздѣляють на Западны и Восточны. Найвысша точка Западных Бескидох — Бабя Гура, 1725 м н.м. (Оравскы Бескиды, Словакия, Бескид Живецки, Польща), Восточных — Пикуй 1408 м н.м. Зложены переважно флишом. Суть то плосковершинны масивы з невысокыма перелазами меджи нима, примѣром може быти Дукля в Восточных Бескидах.[1]
Ку Восточным Бескидам односять: Бещады (Польща), Буковскы Верхы (Словакия), Верховинскый вододѣл (Украина). Иншы односять ку Западным Бескидам.
Западнов границьов суть Моравско-Шлезскы Бескиды з найвысшов точков Велькый Полом, 1067 м н.м. (Чехия, Словакия). Восточна границя — понятя цѣлком непевне, котре в едных жерелах односять на Шаришско-Земплинску часть Лѣсистых Карпат, а в иншых на Бережску, найвысша точка Гусля, 1408 м н.м.[2] Непевность ся выказуе и в назвах: на украинской сторонѣ Бескидами называють не Верховинскый вододѣл, продовжѣня Буковскых Верхох, а горы, што суть на сѣвер од него. Зась в польской картографии Верховинскый вододѣл называють Восточныма Бещадами.
| Западны Бескиды | Найвысша точка | Вышка | Держава |
|---|---|---|---|
| Моравско-Шлезскы Бескиды | Велькый Полом | 1067 м н.м. | Чехия |
| Кысуцкы Бескиды | Велька Рача | 1236 м н.м. | Словакия |
| Бескид Шлезскый | Скжычне | 1257 м н.м. | Польща |
| Бескид Живецки Оравске Бескиды | Бабя Гура | 1725 м н.м | Польща Словакия |
| Бескид Малый | Чупель | 930 м н.м | Польща |
| Бескид Высповый | Могелиця | 1170 м н.м | Польща |
| Бескид Сондецкый | Радзейова | 1266 м н.м | Польща |
| Низкы Бескиды Бескид Низкый | Бусов | 1002 м н.м | Словакия Польща |
| Восточны Бескиды | Найвысша точка | Вышка | Держава |
|---|---|---|---|
| Бещады | Тарниця | 1346 м н.м. | Польща |
| Буковскы Верхы | Кременець | 1221 м н.м. | Словакия |
| Верховинскый вододѣл | Пикуй | 1408 м н.м. | Украина |
| Саноцко-Турчанскы Бескиды | Магура Ломнянска | 1022 м н.м. | Украина |
| Сколевскы Бескиды | Магура | 1363 м н.м. | Украина |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
