From Wikipedia, the free encyclopedia
Аза́н, ар. أَذَان звѣстка, оголошка — в исламѣ: ритуалный призыв, звѣстуючый могамеданам, же пришов час едной з пятьох повинных каждоденных исламскых молитв (салат) або пятничной великой молитвы (салат ал-джума).[1][2]
Азан ся выспѣвуе шпециално выученым на то служительом мечета, муезином, але го може тыж окончити имам або и каждый зоз вѣрникох мужеского пола. Азан обычайно звучить зоз минарета — шпециалной турнѣ, приставленой на то ку мечету, але годен быти выголошеный и зо всякого иншого мѣста, одкы буде го чути. В сучасности при окончѣню азана часто ся послужують аудиотехников.[1]
Обсягом азана суть штандардны формулы: «Аллагу акбар» («Бог превеликый»), «Ашхаду ан ла илага илла-ллаг» («Свѣдчу, же нѣт жадного божества, окрем Аллага), «Ашхаду анна Мугаммадан расулу-ллах» («Свѣдчу, же Могамед — посланик Божый»), «Гаййа ала-с-салат» («Шатуйте на молитву»), «Гаййа ала-л-фалаг» («Шатуйте ку спасѣню»), «Аллагу акбар» («Бог превеликый»), «Ла илага илла-ллаг» («Нѣт жадного божества, окрем Аллага). Меджи шиитами и суннитами суть невеликы роздѣлы в числѣ повторѣнь тых формул, а тыж шииты мають навыше додаточну формулу меджи пятов и шестов формулами: «Гаййа ала гайри-л-амал» («Шатуйте ку найлѣпшому из дѣл»).[1]
При найскоршой ранѣшной молитвѣ (салат ал-фаджр) в азанѣ звучить додаточна формула «Ас-салату гайру мин ан-наум» («Молитва лѣпше од сна»), котра ся вкладе меджи пяту и шесту формулы.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.