From Wikipedia, the free encyclopedia
Адам и Ева были, подля библии, первы люде, прародичове вшиткых люди. Адам, гебр. אדם, означать чоловѣк, а Ева, гебр. חוה Хавва — имя, што Адам дав свойой женѣ, означать жива.[1]
На шестый и послѣдный день творѣня свѣта Бог сотворив первого чоловѣка (Адама) из пороха земного, на образ и подобу Божу. Господь Бог вдыхнув до нього живот и став ся Адам живов душов. Господь дав му панованя над рыбами морскыма, и над птицями небесныма, и над звѣрями, и над всякым живым, плазаючым по земли. Але не было меджи нима помочника Адамови, ровного йому. Зато Бог Адама успав, а так му выняв едно ребро и з того вытворив жену (Еву). Обое были голы и не ганьбили ся. Про бываня им Господь Бог насадив рай, в котром росло из земли всяке дерево, миле наоко и ѣсти валушное. Было им дозволено ѣсти плоды од всякого дерева в садѣ, окрем едного — дерева познаня добра и зла — под страхом смерти было заказане ѣсти од нього. Так они жили в раю и благовали в чистотѣ и невинности, не знати як довго, але раз тому пришов конець. Быв там гад, котрый наговорив Еву, жебы покушала од дерева познаня добра и зла, а она наговорила Адама и сим грѣхом притягли на себе гнѣв свого Сотворителя. Грѣх ся указав так, же зачали ся ганьбити, же суть голы, и хотѣли ся спрятати од Бога. Як были приволаны, Адам складовав вину на жену, а она — на гада. А зато были вшиткы трое выгнаны з рая. Библийна история Адама и Евы на том ся перерывать.[1]
Из тым, же были выгнаны, стали ся смертелныма, а цѣлый людскый род, котрому были они прародичове, несе на собѣ печать первородного грѣха. Адам жив 930 рокы. Ева стала ся праматерьов вшиткых жиючых люди. История Адама и Евы, с даякыма вариациями захранила ся в переданях вшиткых старовѣкых народох.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.