'U Deserte d'u Sahara (d'a parole arabe الصحراء, sahrāʾ, "deserte") jè 'u cchiù granne deserte d'a Terre, cu 'na grannèzze de 9.000.000 chilometre quadrate. Attraversate da 'u Tropeche d'u Cancre (23°27' latitudene nord), se iacchije jndr'â ll'Afriche settendrionale, 'mbrà 16° de longitudene ovest e 35° longitudene est.
Se spànne da l'Oceane Atlandeche a 'u Mar Russe pe' 'na longhezze de cchiù o mène 4000 km, cu l'uneche 'nderruzione d'a Valle d'u Nile, e pe' 'na larijezze de 1500-2000 km da 'u Mediterranèe spiccianne a le regione cendrale de l'Afriche, addò 'u passagge da deserte a savane non ge se pòte quacche vôte acchijà e stabbelite da fattore de ordene climateche.
'U Sahara non ge tène 'nu aspette uneforme, se pòtene acchijà 'nfatte deverse tipe de paìsagge: l'hammada, deserte de chianghe anude, lisce, 'ngise e fatijate da le vìende ca crèje acute e tagghiènde schegge, 'u serir, ccrejète da 'nu strate de chianghe e ghiaje e l'erg, chiamate pure idean, jndr'ô Sahara cendrale, formate da le caratteristeche dune de réne.
Jndr'ô Sahara mangane combletamènde le jume e accussì l'idrografije jè rappresendate da 'na rezze de valle disseccate e de jume fossele (arabe widyān, pl. de wādī, "jume" o "lette d'u jume") oriendate verse 'u Niger, 'u Ciad, e 'u Nile, jndr'â lle quale scorre l'acque sule 'ngase de chiogge sule pe' picche case abbondande. Ricche assaje jè 'nvece 'a circolazione d'abbasce ad 'a terre alimendate da 'nu munne de falde acchijate a deverse profunnetate ca donne origgene ad 'a granna vanne de le oase.
Note
'Ndruche pure
Otre pruggette
Collegaminde fore a Uicchipèdie
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.