Indie

L'Indie (Hindi: भारत Bhārat), ufficialmènde Repubbleche de ll'Indie (Hindi: भारत गणराज्य Bhārat Gaṇarājya), ète 'nu state de ll'Asie meridionale, ccu capitale Nuève Delhi (o New Delhi). Ète 'u settime paise pe' grannèzze sciugrafeche ad 'u munne (3.287.590 km²) ed 'u seconne cchiù populate ccu 1.324.171.354 crestiáne (stime effettuate jndr'ô 2016), e seconne alcune statisteche ha ddà superà 'a Cine jndr'ô 2037.^[5]

Disambiguazzione – Ce ste cirche otre segnefecate, 'ndruche Indie (disambigue).

«Ogne crestiáne ad 'u munne ète nasciùte jndr'à Indie jndre almene une de lle soje vite precedende.»

(Gregory David Roberts, Shantaram[1])

Indie
(dettaglie) (dettaglie) सत्य की हमेशा विजय होती है ('A veritate puèrte sembre ad 'a vittorie)
Indie - Localizzazione
Date amministrative
Nome comblete	Repubbleche de ll'Indie
Nome ufficiale	Republic of India भारत गणराज्य Bhārat Juktarashtra
Lènghe ufficiale	Hindi, 'nglise e otre 21 lènghe
Capitale	Nuève Delhi  (292.300 ab. / 2005)
Politiche
Forme de governe	Repubbleche parlamendare[2] federale
Capo di Stato	Pranab Mukherjee
Capo di Governo	Narendra Modi
'Ndipendenze	da 'u Regne Aunìte avvenute 'u 15 aguste 1947
Trasute jndr'à l'ONU	30 ottommre 1945 1
Superficie
Totale	3.287.263 km² (7º)
% de le acque	9.5%
Popolazzione
Totale	1.324.171.354 ab. (2016) (2º)
Denzetà	394,8 ab./km² (31º)
Nome de le javetande	Template:AggNaz/Indie
Sciugrafije
Continende	Asia
Fuse orarie	UTC +5:30 (vide note)
Economie
Valute	Rupia indiane
PIL (nominale)	1,588,345[3] milione de $ (2008) (10º)
PIL pro capite (nominale)	2,563[3] $ (2007) (165º)
ISU (2005)	0,619 (medie) (128º)
Varie
Codece ISO 3166	IN, IND, 356
TLD	.in
Prefisse tel.	+91
Sigle autom.	IND
Late de guide	Sinistre (↑↓)
Inne nazionale	Jana Gana Mana[4]
Feste nazionale	26 scennàre
Indie - Mappe
1Jè une de le 51 State ca honne date vite a ll'ONU jndr'ô 1945.

Ète vagnate da ll'Oceane Indiane a sud, da 'u Mar Arabiche a ovest e da 'u Gurfe d'u Bengala a est. Tène 'na linee costiere ca se spànne pe' 7.517 km.^[6] Confine ccu 'u Pakistan a ovest,^[7] Cine, Nepal e Bhutan a nord-est, e Bangladesh ed 'a Birmanie ad est. Le soje statère 'nziccate scucchiáte da ll'Oceane Indiane sonde 'ô Sri Lanka a sud-est e le Maldive a sud-ovest.

Sede d'a Civiltate d'a valle de ll'Indo e reggione de rotte commerciale storeche e de vaste 'mbere, 'u subcontinende indiane jè state idendifecate ccu 'u soje commerce ed 'a ricchezze culturale pe' 'na granna vanne d'a soje longhe storie.^[8] Quàtte granne releggione d'u munne, l'Induisme, 'u Buddisme, 'u Giainisme ed 'u Sikhisme, sonde nasciùte aqquà, mendre 'ô Zoroastrismo, l'Ebraisme, 'u Crestiánesime e l'Islam arruvarene endre 'u prime millennie d.C. danne forme jndr'à reggione a 'na grannisseme deversetate culturale. Picche pe' vôte annesse ad 'a Combagnie 'Nglise de lle Indie Oriendale da le prime decennie d'u XVIII sèchele e colonizzate da 'u Regne Aunìte d'a metate d'u XIX sèchele, l'Indie jè dievendate 'nu muderne State naziunale jndr'ô 1947, dope 'na uerre pe' le 'ndependenze ca ète state caratterizzate da 'na diffuse resistenze nonviolènde.

L'Indie ète 'a dodicesime cchiù granne economije d'u munne parlanne de termine nnumenale, ed 'a quarte parlanne de termine de putere d'acquiste. Reforme economeche honne fatte cangià 'u paise jndr'à seconne economije a cchiù rapide crescite^[9] (ète une de le quàtte pajèsere a cui ce se referisce ccu l'acronime BRIC^[10]), me nonostande quiste 'u Paise soffre angore de ìrte levèlle de scurisciutáte, analfabbetisme e malnutrizione.^[11] Suggetate pluralisteche, multilènghe e multietneche, l'Indie ète pure ricche sus ad 'u chiane naturale, ccu 'na ambie deversetate de faune selvateche e de habitat prutette.