From Wikipedia, the free encyclopedia
Anuri (Anura, Merrem 1820) jè 'nu ordene de lle anfibie jndre cui appartènene cchiù de 5.000 specie comunemènde ditte marajòttole, rospe e raganelle.
 | |
|---|---|
_200495.jpg) Rana lessonae | |
| Classificazione scientifica | |
| Dominio | Eukaryota |
| Regno | Animalia |
| Sottoregno | Eumetazoa |
| Ramo | Bilateria |
| Superphylum | Deuterostomia |
| Phylum | Chordata |
| Subphylum | Vertebrata |
| Infraphylum | Gnathostomata |
| Superclasse | Tetrapoda |
| Classe | Amphibia |
| Sottoclasse | Lissamphibia |
| Ordine | Anura |
| Sinonimi | |
|
Salientia | |
| Famigghie | |
| |
Quacche vote quiste ordene jè pure innecate cumme Salienti (Salientia).
Sonde anfibie ce tènene le jàmme de rrete assaje luènghe e adattate ad 'u zumpe. Tènene 'nu cuèrpe tozze e combatte, 'na cápe larghe e ambie e solitamènde jàmme de nnanze cchiù piccele respette a chidde de rrete. 'A cchiù granna parte de le specietène uècchie granne e sporgènde e 'nu granne timbane sus a ogne late d'a cápe. 'A vòcche jè ambie e assaje specie tènene 'na lènghe appiccicose ca ète protuse velocemènde pè fàce ccu pigghie le prede. 'A fèmmene jè solitamènde cchiù granna d'u maschie, me 'u maschie quacche vote tène le jàmme de rrete cchiù gruèsse e robuste. Spesse emettone signale vocale 'mbortande comprimenne le polmone. Sonde prive de code, da cui 'u nome sciendìfeche de Anura.
Assaje specie de marajòttole tropicale sonde tossiche o velenose. Quèste specie spesse esibiscone sus 'a pelle de le culure assaje evidende e da 'u forte condraste (russe, gialle, blu, accombagnate da assaje macchiettature gnure) ad 'u scope ccu avverte le potenziale predatore d'a pericolosità d'a lòre prede (fenomene de ll'aposematisme).
Totte le rospe e le marajòttole sonde carnivore e se nutrene de otre anemale vive ('nsette e otre 'nvertebrate acquateche e terricole). Se cibane de prede vive, piccé 'a lòre viste jè sensibbele ad 'u movimènde; 'na prede immobbele non g'ète appetibbele. Non ge sonde capace ccu masteche o ccu squasce 'u cibe jndr'à vòcche, 'ngoiane le prede 'ndere. Se nutrene quacche vote pure de girine.
Deponene le uève jndr'à ll'acque e tènene 'nu accoppiamènde cu fecondazione esterne. Da ll'uève esce 'u girine (in genere sonde 'mbà le 100 e 200, me picche rumanene n'vite), ca combie 'u proprie cicle vitale jndre timbe variabbele 'mbrà 1,5 e 3 mise. Ad 'a fine d'a metamorfose 'u girine sveluppe le jàmme capace ccu zumpe, polmone ccu respire fòre da ll'acque, perde 'a code e cange regime alimendare, passanne da detritivore a carnivore. Dope de quiste 'a marajòttole adulte condinue 'a vite soje jndr'ô cicle vitale. Le maschie d'a marajòttole pè fà ccu attire le fèmmene gracidane, emettone cioè 'nu versoe gonfianne de le sacchette d'arie jndr'à lle guance. In genere le fèmmene vonne acchianne 'u maschie ca produce 'u gracidie cchiù potende pè se accoppià e ccu depone le uève.
Le marajòttole ausane 'na strateggie comunecatìve ca pare auguale a quèdde de le emittende radie, viste ca ognune de lòre trasmette suène jndre 'na banne de frequenze deverse, pè fà ccu evite sovrapposizione e pè fà ccu se recanosce cchiù facilmènde. Inoltre ce jè 'na cangiamènde a seconne de le dimensiune, 'nfatte le marajòttole cchiù granne emettone lucchele da le suène vasce, profunne e cchiù diradate, mendre quèdde piccele effettuane richiame cchiù acute e cchiù ravvicinate. [1]
Otre specie de marajòttole, ca non ge sonde adatte ad 'a combetiziune da 'u punde de viste sonore, honne penzate strateggie deverse atte ad 'a comunecazziúne: pè esembie le maschie de "L. albilabris", quanne lucchelane, immergone 'na vanne de jidde jndr'ô fanghe e accussì generane 'nu junele ca fàce ccu vibre 'u terrene, oppure le fèmmene d'a raganelle malaysiane pè fà ccu rechiame le maschie tamburellane cu le jàmme de rrete sus a 'na canne.
Jndr'ô passate l'ordene de le Marajòttole ère scucchiáte, 'n base a caratteristeche morfologgeche, jndre 6 sottordene: Amphicoela, Aglossa, Opisthocoela, Amonocoela, Dispasiocoela e Procoela [2]. Cchiù recentemènde jè state proposte 'nu scucchiamènde, basate sus a criterie morfologgeche-evolutive, jndre Archaeobatrachia, Mesobatrachia e Neobatrachia [3]. Quiste raggruppamènde comungue non g'onne rette ad 'u vaglie d'a analese filogeneteche, resultanne polifiletiche [4].
Seconne 'a classificazione cchiù aggiornate l'ordene de le Marajòttole comprende le seguènde famigghie e suttefamigghie [5], aqquà d'abbasce elengate jndr'à ll'ordene alfabbèteche:
|
 Alytidae  Leiopelmatidae .jpg) Bombinatoridae  Megophryidae .jpg) Pelobatidae  Pelodytidae  Ranidae  Rhinophrynidae  Scaphiopodidae .jpg) Bufonidae |
 Dendrobatidae _crop.jpg) Hylidae  Brachycephalidae  Mantellidae  Microhylidae  Myobatrachidae  Pipidae  Rhacophoridae  Cycloramphidae  Leiopelmatidae |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
