From Wikipedia, the free encyclopedia
'U Papiamento éte 'nu dialètte creolo, parlate da 329,002 crestiane. Éte 'a lenga ufficiale de Aruba e jndre Antille Olannese, ma éte parlate puru da molte crestiane a Portorico, e jndre Isole Vergini Americane.
| Papiamento (Papiamentu) | |
|---|---|
| |
| Parlato ndr'a: |  Aruba e  Antille Olannese |
| Perzone: | 329,002 |
| Filogenesi-1: | Lènghe indoeuropee |
| Filogenesi-2: | Lènghe taliche |
| Filogenesi-3: | Lènghe rumanze |
| Filogenesi-4: | Lènghe Creole |
| Filogenesi-5: | Lènghe Creole-Purtughesi |
| Filogenesi-6: | Papiamento |
| Wikipedia: | pap |
| Site istituzionale | |
Ôsce, 'u spagnolo venezuelano, éte 'a lenga ca cchiù 'nfluenze 'u papiamento.
Pe' ragioni sia sciugrafiche ca da lènghe, 'nu munne de crestiane de le Antille honne 'na bbuona padrunanze, oltre ca d'u papiamento, d'u neerlandese (lenga ufficiale de le Antille Olannesi), d'u 'nglese e d'u spagnole.
'U papiamento nasce da 'nu pidgin purtughese parlate da le ebree sefardite e da le lòre schiave ca scapputtàvane da 'u Brasile. 'N otre pidgin purtughese scì jndre isole ABC (Aruba, Bonaire e Curaçao), purtate da le ebree proveniende da Capo Verde: ere 'na miskulanze de creolo purtughese Mina (ca ere a soje vote 'na miskulanze de creolo de Capo Verde, e de Twi) e de creolo purtughese Angolar (diffuse assaje jndr'à Angola e jndr'ô Congo).
Cu 'a dominazione spagnole, stà lenga ète ulteriormende arricchisciúte cu 'nfluenze spagnole (d'u reste, 'na granne 'mbronde spagnole ere già presende jndr'à lenga giudeo-spagnole parlate da le ebree sefardite d'u Brasile).
Quanne cchiù nnande le isole ABC sonde state annesse a le 'mbere nederlandese, 'nu munne de prestite sonde arrivate d'a lenga neerlandese. Ha state accussì ca aví origgene 'a lenga attualmende canosciute cu 'u nome de papiamento, addò papia signifeche "parlare"; termine ca derive da 'u purtughese papear. D'u reste, otre lènghe creole purtughesi sonde chiamate papia, cumme 'u Papia Kristang de le isole Capo Verde.
'U papiamento have ttre dialette cchiù 'mbortande, ognune ca coincide co' une de le ttre isole ABC: Aruba, Curaçao e Bonaire.
Le vocali honne origgine da 'e lènghe iberiche (purtughese e spagnole), sebbene ce stonne puru suoni ca so' tipicamente neerlandesi come: ee, ui, ie, oe, ij, ei, oo e aa.
'U papiamento, come 'u saramacano, ète 'na lenga tonale, caratterìsteche quèste (de prubbabile origine africana) 'nsolite assaje pe' molte lènghe creole.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
