Isdraele
From Wikipedia, the free encyclopedia
Ô State d'Israele (jndr'ô ebraiche: מדינת ישראלⓘ, Medinat Yisra'el; jndr'ô arabe: دولة اسرائيل, Dawlat Isrā'īl) jè 'nu state d'u Vicine Oriende ca se affacce sus 'u Mar Mediterranèe. Confine cu ll'Egitte ed 'a Strisce de Gaza a Sud, 'a Giordanie ed 'a Cisgiordanie a Est, 'u Lìbbane a Nord ed 'a Sirie a Nord-Est.[4][5]
Israele | |
---|---|
Date amministrative | |
Nome comblete | Israele |
Nome ufficiale | מדינת ישראל (Medinat Yisra'el) دولة اسرائيل (Dawlat Isrā'īl) |
Lènghe ufficiale | ebraiche, arabe |
Capitale | Gerusalemme (681.000 ab. / 2006; non recanosciute d'a comunetate 'ndernazionale.[1]) |
Politiche | |
Forme de governe | Repubbleche parlamendare |
Presidende | Shimon Peres |
Prime Ministre | Benjamin Netanyahu |
'Ndipendenze | 14 másce 1948 |
Trasute jndr'à l'ONU | 11 másce 1949 |
Superficie | |
Totale | 20.770 / 22.145[2] km² (151º) |
% de le acque | ~2% |
Popolazzione | |
Totale | 8,134,100 [3] ab. (2013) (96º) |
Denzetà | 365.3 ab./km² |
Nome de le javetande | Template:AggNaz/Israele |
Sciugrafije | |
Continende | Asia |
Fuse orarie | UTC +2 |
Economie | |
Valute | Nuève sicle israeliane |
PIL (nominale) | 200,630 milione de $ (2008) (51º) |
PIL pro capite (nominale) | 28,473 $ (2008) (32º) |
ISU (2010) | 0,872 (assaje ìrte) (15º) |
Varie | |
Codece ISO 3166 | IL, ISR, 376 |
TLD | .il |
Prefisse tel. | +972 |
Sigle autom. | IL |
Late de guide | Destre (↓↑) |
Inne nazionale | Hatikvah |
Feste nazionale | Yom HaAtzmaut (5 Iyar) |
'A popolazzione israeliane supere le sette miglione e mmiènze de crestiáne jndr'ô 2010. Jè l'uneche State a maggioranze ebraiche d'u munne (cirche 'u 76,4% d'a popolazzione totale), cu 'na consistende minoranze de arabe (pe' 'a prevalenze de releggione musulmane, me pure crestiáne o druse).[6]
Ô State d'Israele de ôsce a die jè masciùte 'u 14 másce 1948, ad 'a scadenze d'u Manate bretànneche d'a Palestine. 'A Legge Funnamendale d'u 1980 (Israele, cumme 'u Regne Aunìte, non ge tène 'na Costituziune scritte) afferme ca 'a capitale jè Gerusalemme; comungue, 'a stesse non g'ète recanosciute accume capitale, pe' 'a raggione ca 'u soje status giurideche non g'ète definite e recanosciute, d'a comunetate 'ndernazionale. L'Autoritate Naziunale Palestinese revenneche 'a vanne oriendale d'a cetate accume proprije capitale. Totte le State ca honne relaziune diplomateche cu Israele mandènene 'nfatte le proprije ambasciate a Tel Aviv o jndr'à lle vanne 'nziccate, pe' respettà quanne disposte jndre sede de Conziglie de Sicurezze e Assemblee Generale de lle Naziune Aunìte. (Risoluziune ONU 252 d'u 21 másce 1968 e 267 d'u 3 luglie 1969).[7]
Le soje confine ed 'a soje stesse esistenze fùrene oggette de assaje conflitte ccu le pajèsere 'nziccate. Ôsce a die, Israele ha raggiunde accorde ufficiale sus a lle confine sule cu Egitte (1979) e Giordanie (1994); condinuanne a non g'essere receprocamènde recanosciute quidde ccu Sirie e Lìbbane. Rumane angore ôsce a die n'discussiune pure ô status finale de Cisgiordanie e Strisce de Gaza (da cui Israele s'ète ritirate combletamènde jndr'à ll'estate d'u 2005). 'A comunetate 'ndernazionale conzidere cumme confine 'ndernazionale cu Siria e Lìbbane quidde ca jèvene presende a ll'epoche de le Mannate 'mbrà lle dò uerre mondiale, e cumme confine de facto 'mbrà Israele e territorie palestinese 'a Linee verde tracciate ad 'u timbe de le armistizieca sonde avènute nnande ad 'a uerre arabo-israeliane d'u 1948.