![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9b/Gundestrupkarret1.jpg/640px-Gundestrupkarret1.jpg&w=640&q=50)
Cèlte
From Wikipedia, the free encyclopedia
Cu ‘u nome de Cèlte s’ìnneche ‘n’inziéme de popule indoeuropée ca, ind’ô periode de masseme sblendore (IV-II sèchele a.C.), stavane ind’a ‘na ‘ranne vanne d’Europe, dall’Isole bretànneche ‘nzign’ô bacine d’u Danubie, otre a ‘nguarche ‘nziediamijnde sckurisciute cchiù a ssud, conseguènze d’u spandemijnde mére le penìselele ibèrche, itàleche e anatòleche. Aunite da l’orìggene ètneche e culturale, d’a condivisione de ‘nu stèsse funne linguìsteche indoeuropée e dda ‘na stèssa visione releggiose, le Cèlte fùrene sèmbe scucchiáte; ‘mbrà lle tanda mesckulanze de populazziune cèlteche stavene le Bretànne, le Galle, le Pannune, le Celtìbere e lle Galate, scettáte ind’a ll’Isele Bretànneche, ind’a lle Gallie, ‘mPannonie, ‘nIbèrie e ‘nAnatòlie.
![Thumb image](http://upload.wikimedia.org/wikipedia/commons/thumb/9/9b/Gundestrupkarret1.jpg/640px-Gundestrupkarret1.jpg)
Mastre de ‘n’origgenale e articolata cultura, le Cèlte fùrene suggètte d’ô II sèchle a.C. a ‘na granna pressione polìteche, meletar’e cculturale da parte d’ôtre chiuèppe indoeuropée: le Germane, d’ô nord, e lle Rumane, d’ô sud. Le Cèlte fùrene accucciat’e accucchiate chiane-chiane, tande ca già ind’a tarda andichità l’use de le lènghe lore apparésce assaje ‘ndecandènze. L’arrestramiende de le Cèlte accume ‘nu popule autòneme stè testimoniate probbie d’a marginazzione d’a lènga lore, sùbbete cumbenáte a lle sule Isele bretànneche. Addà, doppe le granne mesckulanze altomedievale, assèrene l’aréde stòrece de le Cèlte: le populazziune de l’Irlande e dde le vanne occidentale e ssettendriunale d’a Gran Bretàgne, ca parlàvene lènge bretònneche o goidèleche, le doje varietáte de le lènge cèlteche ‘nzulare.