From Wikipedia, the free encyclopedia
Andri Peer (19 da december 1921 a Sent – 2 da zercladur 1985 a Winterthur) è stà in poet rumantsch.
Andri Peer è naschì en Engiadina Bassa. El ha frequentà il seminari da scolasts a Cuira ed ha studegià a Turitg e Paris. Promovì ha el cun la dissertaziun Die Terminologie des Bauernhauses in Romanisch Bünden. A partir dal 1952 ha el lavurà a la Scola chantunala a Winterthur sco scolast per franzos e talian. Ultra da quai è el stà docent per la lingua rumantscha a l'Universitad da Turitg. El è stà commember da la suprastanza da l'Uniun da scripturas e scripturs svizra e president dal club P.E.N. da la Svizra taliana e rumantscha.
Peer ha scrit ina gronda part da sias ovras litteraras – tranter quellas era cudeschs per uffants – per rumantsch, però er divers raquints en tudestg. Las poesias ha el translatà cun agid da divers poets, tranter auter cun Herbert Meier, Giorgio Orelli e André Imer en tudestg, franzos, talian, ingles ed en autras linguas. Cun sia activitad publicistica è Andri Peer sa fatg in num sco intermediatur cultural, el è stà collavuratur da radio e televisiun ed ha rapreschentà la litteratura rumantscha sin numerus viadis en Svizra ed a l'exteriur.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.