![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f2/Rinjani_1994.jpg/640px-Rinjani_1994.jpg&w=640&q=50)
Vulcan
From Wikipedia, the free encyclopedia
In vulcan è ina structura geologica che sa furma cura che magma (luentada da crappa) munta fin a la surfatscha d’in planet, per exempel da la Terra. Tut ils fenomens secundars ch’èn colliads cun l’ascensiun e la sortida da magma vegnan numnads vulcanissem. Tar l’erupziun d’in vulcan na sorta betg be il magma viscus, mabain er materia cumpacta e substanzas en furma da gas.
![Thumb image](http://upload.wikimedia.org/wikipedia/commons/thumb/f/f2/Rinjani_1994.jpg/640px-Rinjani_1994.jpg)
![Thumb image](http://upload.wikimedia.org/wikipedia/commons/thumb/4/4a/MtCleveland_ISS013-E-24184.jpg/640px-MtCleveland_ISS013-E-24184.jpg)
En il cas da la Terra lieuan en ina profunditad a partir da 100 km – nua che regian temperaturas tranter 1000 e 1300 °C – las stresas da crappa da la Terra ad in magma viscus che sa rimna en grondas chombras da magma situadas en ina profunditad da 2 fin 50 km. Daventa la pressiun memia gronda, munta il magma tras las sfessas da la litosfera. Magma che cumpara en questa moda a la surfatscha da la Terra vegn numnà lava.
La gronda part dals vulcans èn pli u main da furma conica; la pendenza da las costas dependa da la spessezza da la lava. Il vulcan po però er avair ina furma irregulara u far in arvieut.