From Wikipedia, the free encyclopedia
Siat (tudestg Seth) ei ina vischnaunca politica svizra el cantun Grischun. Ella ei situada el circul Cadi dil district Surselva.
 |
Questa pagina è scritta en sursilvan. |
| Siat | |
|---|---|
 | |
 Siat | |
| Administraziun | |
| Chantun | Grischun |
| District | Surselva |
| Circul | Cadi |
| Lingua(s) | rumantsch (sursilvan) |
| Numer postal | 7157 |
| Geografia | |
| Autezza | 1'296 m s. m. |
| Surfatscha | 13,53 km² |
| Coordinatas | 46° 47′ 0″ N 9° 9′ 0″ O |
| Demografia | |
| Populaziun | 178 (31 da december 2008) |
 | |
| Pagina-web uffiziala | |
Il vitg Siat schai sin ina terrassa silla vart sulegliva dalla Surselva sin in'altezia da 1300 msm. Las vischnauncas cunfinontas ein Rueun, Pigniu e Ruschein.
Il sigil dalla vischnaunca muossa ina steila dad aur cun siat pézs sur in calisch dad aur sin in funs blau. Il calisch regorda a S. Flurin (patrun baselgia) e la steila cun siat pézs fan attent sil num Siat.
Il liug era el temps mediaval sut il Signuradi dils da Friberg ch'eran gia uni avon 1300 cun il Signuradi da Munt S. Gieri. Tier la dertgira ch'ei seresultada ordlunder sudeva era Siat entochen 1734 nua ch'el ei seconstituius cun Andiast, Rueun e Schlans.
Sur il vitg, ault sur in grep vesan ins ina ruina din casti. Quei casti ei vegnius eregius dils signurs da Friberg che vegnan numnai per l'emprema gada igl onn 1255.
Per arrivar a Siat, drova ei buca senz'auter in agen auto. Las bunas colligiaziuns dil traffic public (auto da posta) dattan a scadin la pusseivladad da contonscher Siat.
Per scadin ch'encuera ruaus ei Siat ina zona da recreaziun. En in giena contonschan ins il grep casti cun la ruina da Friberg e vegn recumpensaus cun ina grondius survesta giu en la valada e sin ils cuolms visavi. Ils cuolms contonschan ins enteifer 30 minutas da differentas vias. Era la Senda Sursilvana traversescha il vitg Siat.
 |
Commons: Siat – Collecziun da maletgs, videos e datotecas d'audio |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
