![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b3/Flag_of_the_Helvetic_Republic_%2528French%2529.svg/langrm-640px-Flag_of_the_Helvetic_Republic_%2528French%2529.svg.png&w=640&q=50)
Republica helvetica
From Wikipedia, the free encyclopedia
La Republica helvetica (tud. Helvetische Republik, franz. République helvétique, tal. Repubblica elvetica) è stada ina republica affiliada da la Frantscha situada sin il territori da la Veglia Confederaziun. Ella è vegnida fundada ils 12 d’avrigl 1798 en consequenza indirecta da la Revoluziun franzosa e schliada ils 10 da mars 1803. Quest’epoca da l’istorgia da la Svizra vegn numnada ‹Helvetica›. Confurm al spiert da quel temp vegniva la Svizra numnada ‹Helvezia› tenor il pievel antic dals Helvets.
![Thumb image](http://upload.wikimedia.org/wikipedia/commons/thumb/b/b3/Flag_of_the_Helvetic_Republic_%28French%29.svg/320px-Flag_of_the_Helvetic_Republic_%28French%29.svg.png)