شهزاده اډوارډ، د اډینبورګ دوک

شهزاده اډوارډ، د اډینبورګ دوک (اډوارډ انتوني ریچارډ لوئیس؛ زوکړه: د ۱۹۶۴ زکال د مارچ ۱۰مه) د بریتانیا د سلطنتي کورنۍ غړی دی. نوموړی د ملکې دویمې الیزابت او د اډینبورګ د دوک شاهزاده فیلېپ تر ټولو کوچنی ماشوم او د پاچا دریم چارلز کشر ورور دی. د چارلز له پاچاهۍ وړاندې د بریتانیا د تاج او تخت د وراثت په کتار کې یې دریم ځایګی درلود او اوس مهال ۱۴م ځایګی لري. ^[1]

اډوارډ د خپلې مور د واکمنۍ پر مهال په باکېنګهام ماڼۍ کې وزېږېد؛ په هیټرډاون ښوونځي کې یې زده کړې پیل کړې او له ګورډنسټون ښوونځي څخه فارغ شو. نوموړي د زده کړو ترمنځ فاصله کې د نیوزلنډ په وانګانوي کالج کې تدریس وکړ. له دې وروسته د تاریخ د لوستلو په موخه د کمبرېج جېسز کالج ته ولاړ او په ۱۹۸۶ زکال کې یې له کمبرېج څخه د لیسانس سند ترلاسه کړ. په سلطنتي سمندري ځواک کې له ډېر لږ وخت تېرولو وروسته وړاندې له دې چې خپل تلویزیوني پروډکشن جوړ کړي د واقعي ګټمن تیاتر په نامه شرکت (Really Useful Theatre Company) سره یې کار وکړ. هغه بیا وروسته د آرډېنټ پروډکشن په نامه خپل شرکت جوړ کړ. ^[2]

اډوارډ په ۲۰۱۰ زکال کې په دغه شرکت کې له کار کولو لاس پر سر شو او د سلطنتي کورنۍ د غړي په توګه یې بشپړ مهالې رسمي دندې پیل کړې؛ دغه مهال هغه د خپلې مور په استازولۍ د یو شمېر دندو مخته وړو ته مخه کړه. نوموړي د ځوانانو د ملي تیاتر، د تفریحي او ورزشي اتحاد په نامه بنسټ او د بریتانیا د پارا المپیک ټولنې په ګډون د ۷۰ مرستندویه بنسټونو او سازمانونو ملاتړ وکړ. د هغه مرستندویه چارو په هنرونو، ورزش او د اډینبورګ د دوک د جایزې په رامنځته کولو تمرکز درلود، دغه جایزه د فیټنېس، هوساینې او ټولنیزو خدمتونو برخې ته اړوند ده. ^[3]

اډوارډ له سوفیا ریس – جونز سره په ۱۹۹۹ زکال کې له واده کولو وړاندې د واسکس ارل شو. دوی دواړو د لېډي لوئیس مونټباټن - وینزر او جیمز مونټباټن - وینزر په نومونو دوه ماشومان لرل چې زوی یې بیا د واسکس ارل شو. مور یې ورته په ۲۰۱۹ زکال کې د فارفور د ارل اضافي بل لقب هم ورکړ. د ۲۰۲۳ زکال پر مهال د اډوارډ د زوکړې په ۵۹مه کلیزه کې د هغه مشر ورور پاچا دریم چارلز ورته د اډینبورګ د دوک او همدارنګه د ټول عمر لپاره د خپل همکار لقب ورکړ؛ له دې وړاندې د هغه پلار د اډینبورګ دوک و چې په ۲۰۲۱ زکال کې ومړ او بیا ورپسې د لنډې مودې لپاره چارلز د اډینبورګ دوک شو.

لومړنی ژوند او زده کړې

شهزاده اډوارډ د ۱۹۶۴ زکال د مارچ په ۱۰مه د شپې پر ۸:۲۰ بجو په باکېنګهام ماڼۍ کې وزیږېد؛ نوموړی د ملکې دویمې الیزابت او د اډینبورګ د دوک شاهزاده فیلېپ، څلورم او تر ټولو کوچنی ماشوم او همدارنګه دریم زوی و. ده ته د ۱۹۶۴ زکال د مۍ په ۲مه نېټه د وینزر ماڼۍ په خصوصي کلیسا کې د تعمید غسل ورکړل شو. ^[4][5][6]

دی هم د خپلو وروڼو چارلز او آندرو او همدارنګه د خپلې خور آن په څېر د خصوصي ښوونکې له خوا و روزل شو. دغې خصوصي ښوونکې په باکېنګهام ماڼۍ کې تر هغه مهاله د ده د روزنې مسئولیت پر غاړه درلود کله چې په کینزینګټون کې د کالینګهام کالج (اوس مهال د ګېبس په ښوونځي شهرت لري) ته ولاړ. د ۱۹۷۲ زکال په سپټمبر میاشت کې د هیټرډاون ښوونځي ته ولاړ چې د برکشر، سکاټ ښارګوټي ته یې څېرمه موقعیت درلود. وروسته د خپل پلار او مشرو وروڼو په څېر د سکاټلنډ په شمال کې ګورډنسټون ښوونځي ته ولاړ او د زده کړو په وروستي سمستر کې د دغه ښوونځي د هلکانو مشر وټاکل شو. اډوارډ له دغه ښوونځي څخه په انګریزي کې «سي» نمره او په تاریخ او سیاست کې «ډي» نمره واخیسته؛ له ښوونځي څخه له فراغت وروسته وقفه نوموړي له هېواده بهر تېره کړه او د نیوزلنډ په وانګانوي کالج کې یې تدریس وکړ. ^{[7][8][9][10]}

اډوارډ بریتانیا ته په بېرته راګرځېدو سره د کمبرېج، جیسز کالج ته ولاړ او هلته یې تاریخ ولوست. له ښوونځي څخه د ټیټو نمرو په لرلو سره په کمبرېج کې د هغه شمولیت یو لړ بحثونه راوپارول. له دې سره هم اډوارډ په ۱۹۸۶ زکال کې له دغه پوهنتون څخه د ټیټو نمرو په لرلو د لیسانس سند واخیست. ^[11][12]

له پوهنتون وروسته

سلطنتي سمندري پوځ

په ۱۹۸۶ زکال کې له فراغت وروسته اډوارډ د سلطنتي سمندري پوځ سره مل شو؛ د راپورونو له مخې په کمبرېج کې د نوموړي د زده کړو لګښت په دې شرط ورکړل شوی و چې په راتلونکې کې به په پوځ کې خدمت کوي. ده د ۱۹۸۳ زکال په سپټمبر میاشت کې ځان په سلطنتي پوځونو کې ثبت کړ. خو د ۱۹۸۷ زکال په جنوري میاشت کې د کومانډو ځواکونو د ۱۲ میاشتنیو زده کړو د یو په دریمې برخې له بشپړولو وروسته یې پوځ خوشی کړ. رسنیزو راپورونو څرګنده کړه چې شاهزاده فېلیپ (د اډوارډ پلار) له ده ناخوښه وو او دغه مهال هغه د سمندري وسله وال پوځ جنرال او اعلی قوماندان و، خو شهزاده اډوارډ بیا وروسته وویل چې پلار یې د هغه د نظر د بدلون په موخه کوم بې مورده فشار پرې نه دی راوړی. یو شمېر نورو بیا څرګنده کړه چې فیلېپ د خپل زوی د پرېکړې په نسبت په خپلې کورنۍ ډېر مهربانه و. د باکېنګهام ماڼۍ وویل چې شهزاده اډوارډ دغه پرېکړه «له ډېر فکر» وروسته کړې او په خواشینۍ سره هغه د پوځ د خوشي کولو په حال کې دی، همدارنګه «دې پایلې ته رسېدلی چې نه غواړي پوځي مسلک خپل اوږد مهالی مسلک وټاکي».^{[13][14][15][16][17][18]}

تیاتر او تلویزیون

د پوځي خدمت له پرېښودو وروسته، اډوارډ پرېکړه وکړه چې یو تفریحي مسلک ځانته غوره کړي. هغه په ۱۹۸۶ زکال کې د خپلې مور د زوکړې د ۶۰مې کلیزې د لمانځلو په مراسمو کې د اندرو لویډ وېبر او ټیم رایس له خوا د کرېکټ موزیکال د اجرا کېدو فرمایش ورکړ چې له امله یې نوموړي د لویډ وېبر په ریل یوزفل تیاتر نومي شرکت کې د دندې وړاندیز ترلاسه کړ. نوموړی په دغه شرکت کې د تولید د برخې همکار شو. په دغه ځای کې یې له اکټورې روټي هنشال سره ولیدل او د دریو کلونو لپاره یې له یو بل سره لیده کاته لرل. ^[19]

د تلویزیوني خپرونو د تولید په برخه کې د اډوارډ لومړنۍ هڅه د ۱۹۸۷ زکال د جون په ۱۵مه د لویې حذف کوونکې سیالۍ (The Grand Knockout Tournament) په نامه وه چې د شاهانه فني ضربې (Royal Knockout) په نامه هم پېژندل کېدله او په هغو کې څلورو ډلو د خپلو مرستندویه چارو په موخه سیالي وکړه؛ په دغو ډلو کې یوه ډله یې خپله ده، او نورې یې سلطنتي شهزادګۍ، د یورک دوک او د یورک دوشیزې ته اړوندې وې. دغه خپرونه د رسنیو او عامه وګړو له نیوکو سره مخ شوه. وروسته بیا وویل شول چې ملکه هم له دغې چارې سره موافقه نه وه او مشاورینو یې د هغې پر خلاف رایه ورکړې وه. دغه پروګرام لامل وګرځېد چې د هغه منتخبو مرستندویه چارو ته ۱ میلیون او ۵۰۰ زره پونډه مرسته راغونډه شي. ^[20][21]

آرډنټ پروډکشن

په ۱۹۹۳ زکال کې اډوارډ د آرډنټ پروډکشن په نامه خپل تلویزیوني شرکت جوړ کړ. آرډنت شرکت د ګڼ شمېر مستندو فلمونو او ډرامو په جوړولو کې ونډه لرله، خو رسنیو پر اډوارډ تور ولګاوه چې له خپلو سلطنتي اړیکو څخه په ګټنې د هغو لپاره مالي امکانات ترلاسه کوي. د دغه صنعت په برخه کې یو شمېر فعالینو هم د دغه شرکت چارې د «خواشینونکو ټوکو» په توګه یادې کړې او څرګندوله یې چې په چارو کې یې تخصص شتون نه لري. ^{[22][23][24][25]}

سرچينې

1. "TRH The Earl and Countess of Wessex". Official website of the British monarchy. Buckingham Palace. Archived from the original on 8 March 2008. نه اخيستل شوی 19 March 2008.
2. "Prince Edward in Whanganui – Private education". Te Ara Encyclopedia of New Zealand. نه اخيستل شوی 8 August 2023.
3. "The Earl of Wessex". The Royal Family. 13 November 2015. Archived from the original on 17 January 2021. نه اخيستل شوی 26 December 2020.
4. کينډۍ:London Gazette
5. Hall Meares, Hadley (15 July 2021). "How Prince Edward and Sophie Evolved From P.R. Blunders to Become Key Frontline Royals". Vanity Fair. Archived from the original on 18 October 2021. نه اخيستل شوی 7 April 2022.
6. "Prince Edward Christened in Windsor Castle Rite". The New York Times. Associated Press. 2 May 1964. Archived from the original on 17 December 2021. نه اخيستل شوی 17 December 2021.
7. "The family qualifications". The Daily Telegraph. London. 16 October 2006. Archived from the original on 10 January 2022.
8. "How well did the Royal Family perform in their GCSEs and A-Levels?". Tatler. 18 August 2022. Archived from the original on 18 August 2022. نه اخيستل شوی 18 August 2022.
9. "Wanganui Collegiate School [Summary]". Heritage New Zealand. Archived from the original on 30 January 2016. نه اخيستل شوی 26 January 2018.
10. Butterworth, Hugh Montagu; Cooksey, Jon (2011). Blood and Iron: Letters from the Western Front. Casement. p. 218. ISBN 9781848844919. Archived from the original on 23 March 2021. نه اخيستل شوی 26 January 2018.
11. "The prince with a difference". BBC News. 11 June 1999. Archived from the original on 27 February 2004. نه اخيستل شوی 7 February 2010.
12. Waston, Jeremy (3 December 2010). "William enjoys a degree of success". The Scotsman. Archived from the original on 3 December 2010. نه اخيستل شوی 27 November 2020.
13. "Commando Life Losing Appeal for Prince?". The New York Times. 12 January 1987. Archived from the original on 31 August 2020. نه اخيستل شوی 10 January 2014.
14. Lederer, Edith M. (12 January 1987). "Prince Breaks Royal Tradition by Resigning from Marines". AP News. Archived from the original on 18 July 2022. نه اخيستل شوی 17 July 2022.
15. "Edward Goes His Own Way". People. 26 January 1987. Archived from the original on 11 January 2014. نه اخيستل شوی 10 January 2014.
16. Seward, Ingrid (2017). "Chapter 9: Watching the Family Grow". My Husband and I: The Inside Story of 70 Years of the Royal Marriage. Simon & Schuster. ISBN 978-1471159589.
17. Ezard, John (13 May 2016). "Edward leaves the Marines with honourable mention". Archived from the original on 18 May 2022. نه اخيستل شوی 18 May 2022.
18. "The prince with a difference". BBC News. 11 June 1999. Archived from the original on 27 February 2004. نه اخيستل شوی 7 February 2010.
19. "Prince Edward Joins the Theater at 'Lowest Rung'". LA Times. 19 January 1988. Archived from the original on 9 June 2017. نه اخيستل شوی 10 January 2014.
20. Roseman, Daniel (21 April 1996). "Was this the day when royalty lost the plot?". The Independent. Archived from the original on 18 July 2022. نه اخيستل شوی 17 July 2022.
21. Ben Pimlott "Polishing Their Image" Archived 10 August 2018 at the Wayback Machine., extract from The Queen, HarperCollins (1996) reprinted on the PBS Frontline webpage
22. Beckett, Andy (5 March 2002). "It's a royal cock-up". The Guardian. London. Archived from the original on 14 December 2020. نه اخيستل شوی 12 December 2016.
23. Ardent Productions Filmography Archived 28 September 2020 at the Wayback Machine., BFI Film & TV Database
24. Karlin, Susan (26 September 1998). "Edward Windsor: Truly a Prince Among Producers". Los Angeles Times. Archived from the original on 15 September 2011. نه اخيستل شوی 9 November 2010.
25. Beckett, Andy (5 March 2002). "It's a royal cock-up". The Guardian. London. Archived from the original on 14 December 2020. نه اخيستل شوی 12 December 2016.