From Wikipedia, the free encyclopedia
پرولاکټين (PRL) (په انگرېزي:Prolactin) چې د لوتيوټروپيک هورمون (LTH) په نامه هم پېژندل کېږي يو پروټين دی چې په انسانانو کې يې د جين کوډ PRL دی.[1]
پرولاکټين يو پېپټايډ هورمون دی چې د هېنري فرايسن لخوا وموندل شو، په اصل کې دا هورمون د شيدو پرېښودنې عمل سره اړونده دی. په تي خورو کې، د ماشوم د تي رودلو کړنه د اکسيټوسين جوړېدنه پاروي، چې تر دې وروسته د شودو پرېښودنې ريفلېکس د شودو د وهار سبب گرځي،[2] په دې کړنې سره تيان د شودو نه ډکېږي او همدې پروسې ته لاکټوجنېسېز وايي او همداراز د دويم ځل تی خوړنې لپاره تيان چمتو کېږي.
د پرولاکټين پيټويټري وهار د هايپوتالاموس لخوا د نيورواېنډوکراين نيورانونو لخوا اداره کېږي چې په دغو کې تر ټولو اهم يې د ارکوېټ نيوکليوس نيوروسيکرېټوري ټيوبېروانفنډيبولم (TIDA) نيورانونه دي چې ډوپامين خوشې کوي او د لاکټوټروفونو په ډوپامين-۲ ريسيپټورونو باندې اغېزه کوي چې همدا بيا د پرولاکټين د وهار د مخنيوي سبب کېږي. تايروټروپين وهارېدونکی عامل]] (thyrotropin-releasing hormone) د پرولاکټين په وهارکولو باندې يو پارېدونکې اغېزه لري.
د کولمو واسواکټيف پېپټايډ او پېپټايډ هسټيډين ايسوليوسين په انسانانو کې د پرولاکټين د وهار د کچې په اداره کې مرسته کوي، خو په مارغانو کې د دغو هورمونونو کړنې ډېر توپير لري.[3]
کله نا کله پرولاکټين د يوه گونيډوټروپين په ډلبندۍ کې وېشل کېږي [4] که څه هم چې په انسانانو کې پرولاکټين يو کمزوری ليوټيوټروپيک اغېزه لري خو په عين وخت کې پرولاکټين په گونيډوټروپيک کلاسيک هورمون د ځپلو يوه اهمه اغېزه هم لري.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.