From Wikipedia, the free encyclopedia
ڈپٹی نذیر احمد (1830-1912)، 19ویں صدی دے اک مشہور ہندستانی اردو لکھاری، مترجم، سماجی تے مذہبی اصلاح کار سن۔ ضلع بجنور دی تحصیل نگینہ دے اک پنڈ ریہر وچ پیدا ہوئے۔ اک مشہور بزرگ شاہ عبد الغفور اعظم پوری دے خاندان توں تعلق رکھدے سن، آپ دے والد مولوی سعادت علی مالی طور تے مستحکم نہیں سن۔ اوہ یو پی دے ضلع بجنور دے رہݨ والے سن۔
ڈپٹی نذیر دیاں لکھیاں کتاباں تے ناول شمالی بھارت اَتے پاکستان وچ پڑھائے جاندے نیں۔
اوہناں دا ویاہ مولانا عبدالخالق دی دھی نال ہویا ۔ بہت سارے تھاں گُھمݨ پِھرن توں بعد اوہ جلون (اتر پردیش) آ گئے۔ اوس ویلے اوہناں دے تِن نیاݨے (2 دھیاں تے 1 پُتر) دی پڑھائی دی عمر سی۔ اوہ اوہناں نوں ودھیا تعلیم دیݨا چاوہندے سن اَتے ایس لئی کتاباں لبھݨ دا کم شروع کیتا پر اوہناں نوں اپݨی پسند دی کوئی وی کتاب نِیہ لبھی۔ ایس لئی اوہناں نے آپ لکھݨ دا فیصلہ کیتا۔ پاکستان بنݨ مگروں اوہناں دے نیاݨے پاکستان آگئے۔ مشہور پاکستانی لکھاری، ایڈیٹر تے مترجم شاہد احمد دہلوی اوہناں دے پوتے سن۔
شروع دی تعلیم والد صاحب توں حاصل کيتی۔ چوداں برس دے ہوئے تاں دہلی آ گئے تے ایتھے اورنگ آبادی مسجد دے مدرسے وچ داخل ہو گئے۔ مولوی عبدالخالق اوہناں دے استاد سن۔
ایہہ اوہ زمانہ سی جد مسلماناں دی حالت چنگی نِیہ سی۔ دہلی دے آلے دوالے برائے نام مغل بادشاہت قائم سی۔ دینی مدرسیاں دے طالب علم محلیاں دے گھراں توں روٹیاں لیا کے گزر بسر کردے سن اَتے تعلیم حاصل کردے سن۔ نذیر احمد نوں وی ایہی کچھ کرنا پیندا سی، بلکہ اوہناں لئی تاں اک پریشانی ایہہ وی سی کہ اوہ جس گھر توں روٹیاں لیاؤندے سن اوتھے اک ایہجی کُڑی رہندی سی جو پہلاں اوہناں توں ہانڈی لئی مصالحہ مرچاں، دھݨیا تے پیاز وغیرہ پسواؤندی سی اتے فیر روٹیاں دیندی سی تے جے کم کردے ہوئے سُستی کردے سن تاں اوہناں دیاں انگلیاں اُتے سل دا بٹا ماردی سی۔ دلچسپ گل ایہہ آ کہ اس کُڑی ناݪ ای اوہناں دا ویاہ ہویا۔
کجھ ویلے بعد دہلی کالج وچ داخل ہوئے جِتھے اوہناں نے عربی، فلسفہ ستے ریاضی دی تعلیم حاصل کيتی۔
ڈپٹی نذیر احمد نے اپنی زندگی دا آغاز اک مدرس دی حیثیت توں کيتا لیکن خداداد ذہانت تے انتھک کوششاں نال جلد ہی ترقی کرکے ڈپٹی انسپکٹر مدارس مقرر ہوئے۔ ڈپٹی نذیر نے انگریزی وچ وی خاصی استعداد پیدا کر لئی تے انڈین پینل کوڈ دا ترجمہ (تعزیرات ہند) دے نام توں کيتا جو سرکاری حلقیاں وچ بہت مقبول ہويا اَتے اج تک ورتیا جاندا ہے۔ ایہدے صِلے وچ آپ نوں تحصیلدار مقرر کيتا گیا۔ فیر ڈپٹی کلکٹر ہو گئے۔ نظام دکن نے اوہناں دی شہرت سن کے اوہناں دی خدمات ریاست وچ منتقل کروا لئیاں جِتھے اوہناں نوں اٹھ سو روپے ماہوار اُتے افسر بندوبست مقرر کيتا گیا۔
ملازمت توں سبکدوش ہوݨ توں بعد اوہناں نے اپنی زندگی تصنیف و تالف وچ گزاری۔ اس علمی و ادبی میدان وچ حکومت نے اوہناں نوں 1897ء شمس العلماء دا خطاب دتا تے 1902ء وچ ایڈنبرا یونیورسٹی نے ایل ایل ڈی دی اعزازی ڈگری دتی۔ 1910ء وچ پنجاب یونیورسٹی نے ڈی۔ او۔ ایل دی ڈگری عطا کيتی۔ آپ اردو دے پہلے ناول نگار تسلیم کيتے جائے نيں۔
آخری عمر وچ ڈپٹی نذیر احمد اُتے فالج دا حملہ ہويا اَتے 3 مئی 1912ء نوں دہلی وچ وفات پا گئے۔
جیہناں کتاباں دا اوہناں نے ترجمہ کیتا، آہ نیں۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.