From Wikipedia, the free encyclopedia
نیژنی نووگورد اپنی 12،50،615 دا آبادی نال روس دا ماسکو ، سینٹ پیٹرزبرگ ، نووسیبیرسک تے ییکیترنبرگ مگرون 5واں وڈا شہر اے ۔ ایہہ روس دے نیژنی نووگورد اوبلاست دا اک شہر تے انتظامی مرکز (راجگڑھ) اے ،اس دے نال نال ایہہ وولگا وفاقی ضلع دا انتظامی مرکز وی اے ۔
نیژنی نووگورد | |
روس دا شہر | |
نیژنی نووگورد دی کریملن | |
نیژنی نووگورد دا محل وقوع | |
شہر دا دن | ستمبر دا پہلا سنیچر |
سیاسی حثیت | |
دیس |
روس |
وفاقی اکائی | نیژنی نووگورد اوبلاست |
انتظامی مرکز |
نیژنی نووگورد اوبلاست دا |
میونسپل حثیت | |
شہری اوکروگ | نیژنی نووگورد شہری اوکروگ |
میئر |
اولگ سوروکن |
عوامی نمائندگی دا ادارہ | شہری دوما |
اعداد تے شمار | |
کل رقبہ |
466.5مربع کلومیٹر |
آبادی (2010ء) | 12،50،615 |
آبادی دی گنجانی |
3،045لوک فی مربع کلومیٹر |
آبادی چ نمبر |
5واں |
ویلہ |
ماسکو ویلہ (یو ٹی سی 3+) |
قیام | 1221ء |
پرانے ناں | نیژنی نووگورد(1932ء تک) تے گورکی (1990ء تک) |
سرکاری ویب سائیٹ |
http://www.admgor.nnov.ru/ Archived 2017-09-25 at the وے بیک مشین |
نیژنی نووگورد وولگا وئیاتکا اقتصادی علاقے دا ثقافتی تے اقتصادی مرکز وی اے ۔
1932ء توں 1990ء تک شہر دا ناں ، میکسم گورکی جہڑا ایتھے جمیا دے ناں اتے گورکی رہیا ۔
ایہہ شہر وفاق روس دا اہم اقتصادی ، ٹرانسپورٹ تے ثقافتی مرکز اے ۔
اس تھاں اتے 1221ء چ روس دے یوری دوم نے لکڑی دے اک پہاڑی قلعے دی نیونہہ رکھی ، جہڑا اس راجواڑے دے دو اہم دریاواں وولگا تے اوکا دے سنگم اتے واقع سی ۔ نیژنی نووگورد دے ناں دا مطلب تھلواں نواں شہر اے ، جہڑا پرانے شہر ویلیکی نووگورد توں علیحدہ شناخت لئی رکھیا گیا ۔ اس شہر دے اہمیت دے حامل محل وقوع پاروں اسنوں مسلسل موردوی حملے دا خطرہ رہیا ۔ منگولاں نے 4 مارچ 1238ء چ اس قلعے اتے مل مار لیا ۔
ماسکو تے تویر نال نال ، نیژنی نووگورد ، اوہناں کئی نویں بسے قصبےآں چوں اک سی جہڑے اپنی غیر اہمیت پاروں منگولاں دی تباہی توں بچے رہے ، پر تاتاریاں (طلائی اردو) دی باجگزاری چ روسی سیاسی جیون دے اہم مرکز بنے ۔ منگول خان نال اک معاہدے نال نیژنی نوزگورد نوں 1264ہ چ ولادیمیر سوزدال راجواڑے چ ضم کردتا گیا ۔ 86 سالاں مگروں اسدی اہمیت ہو ودھ گئی ، جدوں سوزدال دے طاقتور راجواڑے دا راجگڑھ ، گرودیتس 1350ء چ توں ایتھے منتقل ہویا ۔ شہزادہ اعظم دمیتری کونستانتینووچ (1323ء توں 1383ء) نے اپنے راجگڑھ نوں ماسکو دے برابر حریف بنان دا سوچیا ، اسنے ایتھے پتھر دا بالا حصار (قلعہ) تے کئی گڑجے اسارے ۔
1392ء چ شہر دے ماسکوی روس چ انضمام دے مگروں مقامی شہزادےآں نے ماسکو چ سکونت اختیار کرلئی ۔ 1408ء چ کریمیائی تاتاراں دے سردار ایدیگو ہتھوں جلن مگروں ، نیژنی نووگزرد نوں مڑ اساریا گیا تے خانان قازان دے خلاف ماسکوی روس دیاں لڑائیاں چ ایہہ اک مضبوط قلعے دے طور اتے سامنے آیا ۔ اس دی لال اٹاں آلی کریملن روس دے مضبوط تے پہلے قلعےآں چوں اک اے ، جہڑی 1508ء توں 1511ء وشکار اک اطالوی پیٹر دی نگرانی چ اساری گئی ۔ ایہہ قلعہ اینا مصبوط سی کہ 1520ء تے 1536ء دے خانان قازان دے تاتاریاں دے شہر دے محاصرے خلاف کھڑی رہی ۔
نیژنی نووگورد اوبلاست صنعتی پیداوار دے لحاظ نال روس چ 7ویں نمبر اتے اے ۔ اوبلاست چ 650 صنعتی کمپنیاں نیں جنہاں چ تقریبا 7 لکھ مزدور کم کردے نیں ، ایہہ اوبلاست دے کل مزدوراں دا 62 فیصد اے ۔
شہر روسی شاہراں ایم 7 ، جہڑی ماسکو ، نیژنی نووگورد، قازان تے اوفا نوں ملاندی اے اتے واقع اے تے مقامی سرگ نیٹ ورک دا مرکز اے ۔
نیژنی نووگزرد دے سترریگینو ہوائی اڈے توں روس] دے وڈے شہراں لئی سدھیاں فلائٹاں نیں تے اسدے نال نال فرینکفرٹ (جرمنی) لئی وی ہفتے چ اک دن فلائٹ اے ۔
نیژنی نووگزرد دریائے وولگا اتے مسافراں تے کارگز شپنگ دا اہم مرکز اے ۔ گرمیاں چ کروز بحری جہاز نیژنی نووگورد ، ماسکو ، سینٹ پیٹرزبرگ تے استراخان وچکار چلدے نیں ۔
نیژنی نووگورد شہر چ 600 توں ودھ تریخی ، تعمیراتی تے ثقافتی یادگاراں نیں ، اس پاروں ای یونیسکو نے نیژنی نووگورد نوں جگ دے ، سبتوں اچی تریخی تے ثقافتی اہمیت رکھن آلے سو شہراں دی فہرست چ شامل کیتا اے ۔
نیژنی نووگورد دی آرٹ گیلری اک وڈی تے اہم آرٹ گیلری تے انسانی تریخ تے رہتل دا عجائب گھر اے ۔
نیژنی نووگورد چ ایہہ تعلیمی ادارے نیں:
اس دے علاوہ شہر چ 20 تحقیقاتی انٹیٹیوٹ وی نیں ۔
نیژنی نووگورد روس دے بوہتے دھرماں (کثیر مذہبی)آلے علاقےآں چوں اک اے ۔
نیژنی نووگورد دا موسم براعظمی اے ۔
نیژنی نووگورد شہر دریائے اوکا پاروں دو علیحدہ حصےآں چ ونڈیا ہویا اے ۔ اتلا حصہ ناگورنایا چاست (پہاڑی حصہ) دریائے اوکا دے چڑھدے (سجے) پہاڑی کنڈے اتے واقع اے ۔ اس حصے چ 8آں چوں 3 شہری ضلعے واقع نیں ، جنہاں چ شہر انتظامی طور اتے ونڈیا ہویا اے ۔
تھلواں شہر زاریچنایا چاست (دریا دے نال آلا حصہ) دریائے اوکا دے تھلویں (لہندے) پاسے واقع اے تے شہر دے 8آں چزں پنجاں ضلعےآں اتے مشتمل اے :
اج دا تھلواں شہر نیژنی نووگورد چ 1929ء توں 1931ء دوران شامل کیتا گیا سی
نیژنی نووگورد دے ایہہ چڑوان شہر نیں:
سانچہ:روس دے شہر
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.