مکہ
From Wikipedia, the free encyclopedia
مکہ حجاز دا اک شہر تے سعودی عرب دے صوبہ مکہ دا دا راجگڑھ اے۔ ایہ جدہ توں اندر ول 70 کلومیٹر (43 میل) اے۔ ایہ پہاڑاں دے وشکار اک تنگ پیالے ورگی تھاں وچ سمندری پدھر توں 277 میٹر (909 فٹ) دی اچائی تے وس رہیا اے۔ ایہدی لوک گنتی 20 لکھ اے پر حج دے دناں وچ جیہڑا ہجری کیلنڈر دے 12ویں مہینے ذوالحج وچ ہوندا اے شہر دی لوک گنتی تن گنا ہوجاندی اے۔ ایتھے ڈیڑھ کروڑ مسلمان ساری دنیا توں سلانہ آؤندے نیں۔ سب توں ودھ گنتی حج دے دناں وچ ہوندی اے۔
مکہ | |
دیس: | سعودی عرب |
صوبہ : | مکہ |
تھاں | 850 مربع کلومیٹر |
لوک گنتی: | 20 لکھ |
بولی: | عربی |
مکہ نوں اسلام دا سب توں مقدس شہر منیا جاندا اے۔ ایہ اک خدا نوں منن والیاں دا دنیا وچ اک وڈا گڑھ اے۔ ایتھے خانہ کعبہ تے مسجد الحرام نیں ۔ ایتھے 20 توں 30 لکھ دے درمیان حاجی حج کرن آؤندے نیں۔ اسلامی گلاں وجہوں اس شہر دا مڈھ پیفمبر اسماعیل دے نیانیاں نے رکھیا۔ ایتھے اسلام دے موڈھی محمد 571 وچ ایتھے دے واسی قبیلے قریش وچ جمے۔ ستویں صدی عیسوی اچ محمد نے اسلام دا پرچار کرنا ایتھوں ٹوریا۔ ایتھے ای قرآن فرشتے جبرائیل توں اترن لگیا۔ ایہ شہر کئی سلطنتاں دا انگ رہن مگروں 1925 وچ سعودی عرب دا انگ بنیا۔