قانون آزادی ہند 1947ء

قانون آزادی ہند۔18جولائی ۔ 1947
Indian Independence Act 1947

برطانیہ دی پارلیمنٹ
طویل عنوان	An Act to make provision for the setting up in India of two independent Dominions, to substitute other provisions for certain provisions of the Government of India Act, 1935, which apply outside those Dominions, and to provide for other matters consequential on or connected with the setting up of those Dominions.
باب	10 & 11 Geo. 6 c. 30
تواریخ
شاہی منظوری	18 جولائی 1947ء
حیثیت:

4 جولائی 1947ء نوں اک مسودہ قنون برطانوی پارلیمنٹ وچ پیش کیتا گیا۔ 15جولائی نوں دارالعوام نے اس دی منظوری دے دتی، 16 جولائی 1947ء نوں دار الامرا نے وی اس نوں منظور کیتا۔ 18 جولائی 1947ء نوں شاہ برطانیہ نے اس دی منظوری دے دتی، پھر اس قنون دے تحت تقسیم ہند عمل وچ لیائی گئی تے دو نویں دیس پاکستان تے بھارت وجود وچ آئے۔ قنون نوں شاہی اجازت 18 جولائی 1947ء نوں حاصل ہوئی۔ تے دو نویں ملک پاکستان تے بھارت 15 اگست نوں وجود وچ آئے۔

اس قنون دے اہم نکات درج ذیل نیں:

1. دو نویں ملک پاکستان تے بھارت بنائے جان گے ۔
2. دونے ملک مکمل طور اُتے آزاد و خود مختار ہون گے انہاں اُتے برطانوی حکومت مکمل طور اُتے ختم کر دتی جائے گی۔
3. دوناں ملکاں دیاں اپنیاں مجالس قنون ساز ہون گئیاں جو انہاں ملکاں دے لیے آئین بناؤن گئیاں۔
4. جدوں تک نواں آئین نہیں بندا اس وقت تک 1935ء دا آئین رائج رہے گا دوناں ملکاں دیاں اسمبلیاں اس آئین وچ ترمیم دا اختیار رکھدیاں نیں۔
5. حکومت برطانیہ تے ہندوستانی شاہی ریاستاں دے درمیان تمام معاہدے ختم کیتے جاندے نیں۔
6. حکومت برطانیہ نوں ایہ اختیارات نہیں ہون گے کہ اوہ کسے ملک دی قنون ساز اسمبلی دے بنائے ہوئے قنون نوں رد جاں منظور کرے ایہ اختیارات اس ملک دے گورنر جنرل نوں حاصل نیں۔
7. شاہ برطانیہ دے خطابات وچوں شہنشاہ ہند دا خطاب ختم کیتا جاندا اے۔