From Wikipedia, the free encyclopedia
عطار اپنے دور دے بہترین کیمیاء دان دے پتر سن جنہاں نے اپنے پتا توں کئی مضموناں وچّ ودھیا سکھیا حاصل کیتی۔ اوہناں دے ساہتی کم اتے اوہناں بارے معلوم اتہاس توں اوہناں دی زندگی بارے بہتا کجھ پتہ نہیں لگدا۔ اس سبھ کجھ توں صرف ایہہ پتہ چلیا ہے کہ شیخ فریدالدین عطار نے حکمت دا پیشہ اپنایا اتے اوہناں دے کلینک دی دور دور تکّ مشہوری سی۔ کیہا جاندا ہے کہ عطار دے مریض اوہناں نوں اپنیاں مشکلاں، مصیبتاں اتے درپیش جسمانی اتے روحانی تکلیفاں بارے کھل کے دسدے، جس دا اوہناں دی سوچ تے گہرا اثر پیا۔ اینا گہرا کہ اوہناں نے اپنا کلینک بند کر دتا اتے دور دراز دیاں تھاواں جویں بغداد، بصرہ، کوفہ، مکہ، مدینہ، دمشق، خوارزم، ترکستان اتے ہندستان تکّ دا سفر کیتا اتے اتھے صوفی شیخاں نال ملاقاتاں کیتیاں۔ اس سفر دے بعد اوہناں دی سوچ مکمل طور تے صوفی شیخاں دے انداز وچّ ڈھل چکی سی۔ [4] شیخ فریدالدین عطار دا صوفی نظریہ لمے عرصے تکّ سوچ وچار دا نتیجہ اتے پختہ زہنی ساخت دا حامل ہے۔ جنہاں صوفی ودواناں دے بارے خیال ہے کہ اوہ عطار دے استاداں وچّ شامل ہن، اوہناں وچوں صرف مجددالدین بغدادی واحد اجیہی شخصیت ہن جنہاں دے صوفی سروکار عطار دی سوچ اتے صوفی نظرئیے دی عکاسی کردے ہن۔ اس بارے واحد پرمان عطار دے اپنے لفظاں وچّ اجیہے بیان ہوئے ہن کہ، اوہناں دی خود نال ملاکات ہوئی۔[5] شیخ فریدالدین دا انتقال اپریل 1221 وچّ ہویا، جدوں منگولاں نے حملہ کیتا اتے اس وکت اوہناں دی عمر ستر برس سی۔ اوہناں دا مزار نیشابور وچّ واقعہ ہے اتے اس نوں سولویں صدی وچّ علی شیر نوائی نے تعمیر کروایا۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.