سویٹزرلینڈ
From Wikipedia, the free encyclopedia
سویٹزرلینڈ خشکی نال کریا وشکارلے یورپ دا اک پہاڑی دیس اے۔ ایدی لوک گنتی 7.7 ملین تے تھاں 41285 مربع کلومیٹر اے۔ ایہ اک لوکراج اے۔ ایہ 26 انگاں نال جناں نوں کینٹن کیندے نے رلا کے بنیا اے۔ برن ایدا راجگڑھ تے باسل زیورچ تے جنیوا وڈے نگر نے۔ سویٹزرلینڈ دنیا دا اک امیر دیس اے۔
سویٹزرلینڈ | ||
Switzerland | ||
Schweizerische Eidgenossenschaft | ||
راجگڑھ: | برن | |
تھاں: | 41,284 مربع کلومیٹر | |
لوک گنتی: | 7،952،600 | |
سرکاری بولیاں : | جرمن (63.7%) فرانسیسی (20.4%) اطالوی (6.5%) رومانش بولی(0.5%) | |
کرنسی: | سوئس فرانک | |
سویٹزرلینڈ دے اتلے پاسے جرمنی لیندے فرانس, دکھن چ اٹلی تے چڑدے پاسے آسٹریا تے لیختنشٹاین نیں۔ جغرافیۓ نال ایہنوں تن پاسیاں وچ ونڈیاں جاسکدا اے: سوئس الپس، سوئس اچی تھاں تے جورا پہاڑ۔ سویٹزرلینڈ چ 4 بولیاں جرمن فرانسیسی اطالوی تے رومینس بولیاں جاندیاں نیں۔ سویٹزرلینڈ 1815 توں کسے نال نئیں لڑیا تے نیوٹرل اے تے 2002 وچ آکے یونائیٹڈ نیشنز دا سنگی بنیا۔ ایہدی پالیسی دنیا وج امن رکھن وج ہتھ ونڈائی کرنا اے تے ایس دے رلدے کماں وچ ایہ پیا ریا اے۔ ایہ یورپی یونین دا سنگی نئیں پر شنجن دیس ہے۔ سویٹزرلینڈ رتہ کراس دی جمن تھاں تے کئی دنیا دے وڈے اداریاں دے ایتھے دفتر نیں۔
سویٹزرلینڈ چار بولیاں تے رہتلی تھانواں جرمن، فرنچ، اطالوی تے رومانش نال رل کے بندا اے۔ سوئس پانویں لامت جرمن ہوون پر اوہ اپنا ویس اک بولی یا اک نسل دے مڈھ تے نہیں۔ پرانی سانجھی تریخ، لوکراج تے الپائنی نشان ایہدا مڈھ نیں۔ سوئس جٹ دا مڈھ اک اگست 1291 نوں رکھیا گیا تے ایہ تریخ ہر سال منایا جاندا اے۔ سویٹزرلینڈ دے چاکلیٹ، پنیر, بنکنگ، سیاسی پربندھ ، کعڑیاں, وکٹورینوکس چاقو تے پعاڑاں لئی مشہور اے۔