From Wikipedia, the free encyclopedia
اشکانی سلطنت جاں پارتھی سلطنت پارتھیا فارس یا ایران دی اک قدیم سلطنت سی جس چ موجودہ ایران دے موجودہ صوبے خراسان تے گورگان تے وسطی ایشیا دے ملک ترکمانستان دا جنوبی حصہ شامل سی ۔ تیجی صدی قبل مسیح چ پاتھیا دے لوکاں نے یونانیاں دے خلاف بغاوت کردتی تے اینہاں دے اک سردار ارے سس اول نے 250 ق م چ آزاد پاتھیا سلطنت دی بنیاد رکھی ۔ جس چ بعد چ میسوپوٹیمیا (بین النہرین) تے آرمینیا دے علاوہ ہندستان تے شام دے سابق ایرانی مقبوضہ علاقے وی شامل ہو گئے ۔ اس سلطنت دا حکمران طبقہ خود نوں حخمانیشی سلطنت دے حکمران خاندان دا وارث خیال کردا سی ۔ لوکاں دا مذہب آباء پرستی ، آفتاب پرستی ،تے زرتشتی (پارسی) عقیدیاں دا ملغوبہ سی ۔ ایشیاء اینہاں دناں چ ایہی سلطنت اینی طاقت ور سی جس نے یونانی توسیع پسندی دا ڈٹ کے مقابلہ کیتا ۔ ایہہ سلطنت 227ء تک قائم رہی تے اسدے بعد ایران دی نویں ساسانی سلطنت چ ضم ہوگئی ۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.