From Wikipedia, the free encyclopedia
جڑی بوٹیاں دے خوردنی استعمال وچ ایہناں دے پتے، تنے، جڑھاں ،بی تے پھݪ سمیت ہور حِصے استعمال کیتے جاندے نیں۔ ایہناں دا عام سبزیاں توں فرق ایہ اے کہ ایہناں نوں معمولی مقدار وچ استعمال کیتا جاندا اے جیہدا مقصد کھاݨے نوں خوشبودار بݨوݨا اے یا ایہدے طبی فوائد وچ اضافا کرنا اے یا ایہنوں زود ہضم بݨوݨا اے۔ ایہناں دی مثال مُختلف مسالے نیں یا ہور اشیاء جِداں لسݨ، ادرک وغیرا۔
قدیم زمانے توں بوٹیاں نوں اوہناں دے خواص تے انسانی جسم اُتے اثرات دی وجہ توں استعمال کیتا جاندا اے۔ ایہناں دا ذکر قرآن مجید تے انجیل سمیت قدیم کتاباں وچ آؤندا اے۔ ایہناں نوں اَج وی مُختلف امراض دے علاج لئی استعمال کیتا جا رہیا اے تے جدید ادویات وی ایہناں توں اخذ کیتیاں جا رہیاں نیں۔ ایہناں وچوں کچھ زہریلیاں وی ہُندیاں نیں یا ایہناں دے اثرات زیادا استعال ناݪ مُختلف ہو جاندے نیں اس لئی ایہناں نوں ورتݨ وچ احتیاط دی لوڑ اے۔
بعض بوٹیاں نوں روحانی طور تے وی استعمال کیتا جاندا اے یا ایہناں نوں مقدس خیال کیتا جاندا اے۔ قدیم کاہن ایہناں نوں استعمال کردے سی۔ ایہناں دی اک مثال ہندواں وچ تلسی دا استعمال اے۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
