From Wikipedia, the free encyclopedia
ثمود (عربی:ثِمود) قدیم جزیرۃ العرب دی قوم جو پہلے ہزارے ق م توں تقریباً حضرت محمدﷺ دے ویلے تک رہی ۔ قوم دے مورثِ اعلیٰ دا ناں ثمود سی تے مشہور نسب نامہ ایہ وا۔ ثمود بن جشیر بن ارِم بن سام بن نوح علیہ السلام۔ عاد جس طرح جنوبی تے مشرقی عرب د ے مالک سن ، ثمود اس دے مقابل مغربی تے شمالی عرب اتے قابض سن۔ انہاں دے دارالحکومت دا ناں حجر سی ۔ ایہ شہر حجاز توں شام نوں جان والے قدیم راستہ اتے واقع سی ۔ ہن عموماً اس شہر نوں مدائن صالح کہندے نہیں۔ا یہ شمالی عرب دی اک زبردست قوم سی۔ فن تعمیر چ عاددی طرح اس نوں وی کمال حاصل سی۔ پہاڑاں نوں کٹ کے مکان بنانا، پتھراں دیاں عمارتاں تے مقبرے تیار کرنا اس قوم دا خاص پیشہ سی ۔ ایہ یادگاراں ہن تک باقی نیں۔انہاں اتے ارامی تے ثمودی خط چ کتبے منقوش نیں۔