From Wikipedia, the free encyclopedia
بھارت، پاکستان تے بنگلا دیش وچ تحصیلدار اک ٹیکس افسر ہندا اے جیہڑا تحصیل پدھر تے زمین دی ملکیت دے تعلق توں ٹیکس وصول کرن دا انچارج اے ۔ تحصیلدار نوں تحصیل دا انتظامی میجسٹریٹ وی جانیا جاندا اے ۔ ایس لفظ نوں مغل راج دے مول دا منیا جاندا اے ۔ ایہ لفظ "تحصیل" تے "دار" توں بنیا ہویا اے۔ ("تحصیل" عربی دا لفظ اے ۔ ایہدا مطلب "اکٹھا کرنا" تے "دار" فارسی دا لفظ اے ایہدا مطلب "اک حالت دے مالک") توں لیا گیا اے ۔ تحصیلدار توں تھلے نائب تحصیلدار ہُندا اے ۔ تحصیلدار نوں مہاراشٹر دے کچھ حصیاں وچ معاملتدار کہیا جاندا سی تے بھارت دے کچھ صوبےآں وچ تحصیلدار نوں تعلقا دار وی کہیا جاندا اے ۔ تحصیلدار بھارت دے زیادہ تر صوبےآں وچ کیٹیگری 2 دے گزٹڈ افسر نیں ۔ اوہ تعلقا یا تحصیل دیاں وکھ وکھ پالیسیاں نوں لاگو کردے نیں تے ضلع کلیکٹر دے ماتحت ہُندے نیں ۔ زمین، ٹیکس تے مال دے متعلق معاملیاں وچ تحصیلدار دی پردھانگی ہُندی اے ۔ امیدواراں نوں سول سروس دے امتحان وچ کامیابی توں بعد تحصیلدار تے نائب تحصیلدار تعینات کیتا جاندا اے ۔ (جویں کہ اتر پردیش وچ پی۔سی۔ایس، ہماچل پردیش وچ ایچ۔اے۔ایس ، راجستھان وچ آر۔اے۔ایس، مدھیا پردیش وچ ایم۔پی۔پی۔سی۔ایس، بہار وچ بی اے ایس، آندھرا پردیش وچ اے۔ پی۔ایس۔سی۔سی، تیلنگاݨا وچ ٹی۔پی۔ایس۔سی، بھارت دے ہور صوبےآں وچ ہور برابر دے امتحان) وچ کامیابی توں بعد کسے عہدے توں اُپر ودھایا جاندا اے جویں کہ قانونگو (جیہنوں ریوینیو انسپیکٹر کہیا جاندا اے) بعد وچ، اوہناں دی کاڈر دے اصولاں دے مطابق تحصیلدار دے عہدے اُتے ترقی دتی جاندی اے ۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.