![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/28/Borneo_Topography.png/640px-Borneo_Topography.png&w=640&q=50)
بورنیو
From Wikipedia, the free encyclopedia
بورنیو انڈونیشیا چ واقع جگ دا تیجا سب توں وڈا جزیرہ اے ، جس دا کل رقبہ 2،92،298 مربع میل اے ۔ جزیرے دا وڈا حصہ انڈونیشیا چ شامل اے ( جہڑا چڑھدا ، دکھنی ، لہندا تے گھبلا کلیمنتان صوبے کہلاندے نیں ) جدوں کہ باقی حصہ تے ملائشیا دیاں ریاستاں سراواک تے صباح واقع نیں ، برونائی دارالسلام وی ایسے جزیرے تے واقع اے ۔
![Thumb image](http://upload.wikimedia.org/wikipedia/commons/thumb/2/28/Borneo_Topography.png/640px-Borneo_Topography.png)
خط استوا تے واقع ایہہ جزیرہ دنیا دے گرم ترین تے سب توں بارشاں آلے علاقے چ شمار ہندا اے ، بوہتیاں بارشاں دی وجہ توں ایتھے سنگھنے جنگل پائے جاندے نیں تے نیویں علاقے دلدلی نیں ۔
جزیرے دا ناں بورینو نوآبادیاتی دور چ رکھئیا گئیا تے مقامی آبادی چ ایہہ ناں نئیں ورتئیا جاندا ۔ انڈونیشیا چ اس جزیرے نوں کلیمنتان تے ملائشیا چ چڑھدا ملائشیا آکھئیا جاندا اے ۔
بورینو دے اتلے تے اتلے لہندے چ بحیرہ دکھنی چین ، اتلے چڑھدے چ جزیرہ سولو ، چڑھدے چ بحیرہ سلیبس تے آبنائے مکسار تے دکھن چ بحیرہ جاوا تے آبنائے کریماتا واقع نیں ۔
بورینو دے لہندے چ جزیرہ نما مالے تے سماٹرا نیں ۔
بورینو دا سب توں اچّا تھاں ماؤنٹ کنابالو اے جہڑا ملائشیا دے صوبے صباح چ واقع اے ، اس دی بلندی 4095 میٹر اے ۔
جزیرے دا سب توں وڈا دریا دریائے کپواس اے جہڑا 1143 کلومیٹر لمبا اے ۔ اس دے علاوہ راجانگ ، باریٹو تے محاکم ناں دے دریا وی وگدے نیں ۔