بتی پھل

بتی پھل شرمائی ٹبر دے فیزالس ٹوکرے دا بوٹا تے اوہدا فروٹ اے۔ ایہ دکھنی یورپ توں ایشیاء تے جپان تک ہوندا اے۔ ایہدے فروٹ تے کھٹے توں لال رنگ دا کاغذ چڑھیا ہوندا اے جیہڑا بلدی کاغذی بتی ورگا لگدا اے۔ ایہ اک سجاوٹی بوٹا اے تے ایہدے پھل بلدی بتی وانگوں لگن باہجوں ایہدا ایہ ناں رکھیا گیا۔

بتی پھل
پچھان
دیس :	بوٹے
برادری:	پھلوالے بوٹے
ٹبر:	شرمائی
جنس:	فیزالس
سائینسی ناں:	Physalis alkekengi

وکھالہ

ایہ اک نکا بوٹا اے جیہڑا 40–60 سینٹی میٹر تک لماں ہوندا اے ایہدے پتے 6–12 سینٹی میٹر لمے تے 4–9 سینٹی میٹر چوڑے ہوندے نیں تے ٹاہنی دے دوالے لگدے نیں۔ پھل چٹا تے اوہدیاں 5 پھل پتیاں ہوندیاں نیں۔

اگائی

اے مشہور سجاوٹی بوٹا اے۔ ایہہ جتھے اگایا جاندا اے اوتھوں ایہدیاں جڑاں تے ٹاہنیاں آلے دوالے چھیتی نال پھیلدیاں نیں۔

رہتلی ورتن

ایہ بوٹا کھان پین تے دوا وچ ورتیا جاندا اے۔ بتی پھل دے سکے پَھل نوں یونانی وچ "ککناج" آکھدے نیں، او پیشاب ودھائی، جراثیماں مکائی، جگر لئی تے سکون لئی ورتیا جاندا اے۔

کیمائی پربندھ

ایہدے وچ "فائیسیلن" کیمکل پایا جاندا اے جیہڑا بیکٹیریا مکائی تے لیشمینیا مکائی لئی ورتیا جاندا اے۔ ایس توں علاوہ ایہدے وچ کیفک ایسڈ ایتھائیل ایسٹر، 25-27-ڈائی ہائیڈرو فائیسیلن ایل، فائیسیلن ڈی تے کیونی ایٹا سائڈ وی ہیگے نیں۔

رہتل وچ

جپان وچ ایہدے بی "بون تہوار" تے مریاں دی روحاں نوں راۃ وکھان لئی ورتے جاندے نیں۔ ایس توں علاوہ اوساکُا، ٹوکیو، جپان وچ ہر ورے 9 تے 10 جولائی نوں ایہدے پُھلاں دا تہوار منایا جاندا اے۔

مورتاں

• 
• 
• 
• 

بارلے جوڑ