From Wikipedia, the free encyclopedia
ارنسٹ ردرفورڈ اک برطانوی فزکس تے کیمسٹری دا گرو سی۔ اونوں اودے کم دی وجہ توں ایٹمی فزکس دا پیو کیندے نیں۔ اونے اے سب توں پہلاں دسیا کے ایٹم چ اک نیوکلیس ہوندا اے جیدے تے کوئی نہ کوئی چارج ہوندا اے جس دے اتے اونے ردرفورڈ اٹمی ماڈل دتا جیدے تے کم کر کے بوہر ایٹمی ماڈل دسیا گیا۔ اونے اے کم سونے دی پتری تے ایلفا دی بمباری کیتی تے کج ایلفا پارٹیکل اپنی راہ توں مڑ گۓ تے کج واپس ٹر پۓ جس نال اونے ایٹم چ نیوکلیس لبیا۔ اونوں 1908 چ کیمسٹری چ نوبل انعام دتا گیا۔ اوہ پہلا بندہ سی جینے ایٹم دے دو ٹوٹے کیتے (1917) تے اس نال اودے دو شگرداں نے اودی نگرانی چ پہلی واری قابو چ رکھدیاں ہوئیاں ایٹم توڑیا (1932)۔
ارنسٹ ردرفورڈ | |
---|---|
![]() | |
جمن تھاں | {{{جمن تھاں}}} |
جمن نی تاریخ | {{{جمن نی تاریخ}}} |
دیس | نیوزی لینڈ، برطانیہ، کینیڈا |
ناگرکتا | {{{ناگرکتا}}} |
کم | سینسدان، پروفیسر |
سال سرگرم | {{{سال سرگرم}}} |
گن | ایٹمی فزکس، ردرفورڈ ایٹمی ماڈل تے پروٹان |
ارنسٹ ردرفورڈ نیوزی لینڈ چ 30 اگست 1871 نوں اک کسان ٹبر چ جمیا۔ اودے ماں پیو برطانیہ توں آۓ سی۔ اوہ شروع چ ہاولوک سکول تے نیلسن کالج توں پڑدا ریا پر بعد چ اونے سکالرشپ تے کانٹربری کالج نیوزی لینڈ یونیورسٹی توں پڑن لگ پیا۔ اونوں اوتھوں ایم اے، بی اے تے بی ایس سی دی ڈگری لئی تے دو سال تک بجلی دی ٹیکنالوجی تے کم کردا ریا۔ اس توں بعد اوہ کیمبرج یونورسٹی برطانیہ پی ایچ ڈی کرن ٹر گیا۔
اونے اوتھے تابکاری لبھی تے اودیاں ونڈاں دے ناں ایلفا تے بیٹا رکھے جیناں چ فرق تے اونا دیاں طاقتاں رکھیاں گياں۔ ایہ تابکار شعاواں تھوریم تے یورینیم توں لئیاں گئیاں۔
اونے 1900 چ ویاہ کر لیا تے اودی اکو دھی ہوئی۔
1898 چ اونوں کینیڈا چ مونٹریل چ میکگلز یونیورسٹی چ فزکس دا وڈا گرو بنا دتا گیا۔ اوتھے اودے کم تے اونوں 1908 چ کیمسٹری چ نوبل انعام دتا گیا۔ 1900 چ اونے نیوزی لینڈ دی یونورسٹی توں ڈی ایس سی دی ڈکری لئی۔ 1900 توں لے کے 1903 تک میکگلز یونورسٹی کینیڈا چ اوہ اپنے سنگی فریڈرخ ساڈی نال رل کے عنصراں دے اک دوجے چ بدلن تے کم کردے رۓ۔ ردرفوڑڈ نے اے دسیا جیڑے ایٹم تابکار ہوندے نے اوہ اصل چ ٹٹ کر دوجے عنصراں دے اٹیماں چ بدل رۓ ہوندے نیں۔ جنے ویلے چ اک ایٹم ٹٹ کے ادا ہو جاندا اے اونوں ادے جیون دا ناں دے دتا گیا تے اے پتہ چلیا کہ اے ویلا ہر عنصر دا اپنا ہوندا اے تے اے اکو ای ریندا ے اس نال جگ دی عمر دسی گئی جیڑی کے گروواں دے خیال توں کافی زیادہ سی۔
1903 چ ردرفورڈ نوں اے پتہ چلیا کے اک فرانسیسی فزکس دے گرو نے تابکاری دی تیجی قسم دریافت کیتی اے جیدی طاقت ایلفا تے بیٹا نال زیادہ اے ردرفورڈ نے اودا ناں گیما رے رکھ دتا۔
1907 چ اونے مانچسٹر یونورسٹی چ فزکس دا وڈا گرو بن گیا تے اونے اپنے سنگیاں نال رل کے اک تجربہ کیتا جیدے چ اونے ایلفا دی سونے اتے بمباری کر کے نیوکلیس دریافت کیتا۔ 1919 چ اوہ پہلا بندہ بنیا جینے اک عنصر نوں دوجے عنصر چ بدللیا ہوۓ اے کم اونے نائیٹروجن دے اتے ایلفا بمباری کیتی جیدے نال نائیٹروجن آکسیجن چ بدل گیا۔ 1921 چ اونے اپنے سنگی نیلز بوہر نال کم کردیاں ایٹم چ نیوٹران دریافت کیتے جیناں دی وجہ توں پروٹان قابو چ ریندے نیں تے ایٹم ٹٹدا نئیں اے۔
اونوں 1914 چ نائیٹ(knight) بنا دتا گیا۔ 1916 چ اوناں نوں ہیکٹر میموریل میڈل دتا گیا۔ 1919 چ اوہ کیمبرج یونیورسٹی واپس آگۓ تے کج ہور لوکاں نوں نوبل انعام اوناں دے تھلے دتا گیا۔
اونوں ہرنیۓ دا مسئلہ سی کیونجہ اوہ اک نائیٹ سی اس واسطے برطانیہ دے قنون دے مطابق اونون کوئی پکا ڈاکٹر ای ویکھ سکدا سی اس واسطے اوہ ڈاکٹر نہ ہون تے 19 اکتوبر 1937 چ مر گیا۔ اونوں جے جے تھامسن دے نال تے نیوٹن دے کول دبیا گیا۔
![]() |
وکیمیڈیا کامنز چ مورتاں: ارنسٹ ردرفورڈ |
جیکوبس فانت ہوف · ایمل فشر · سوانتے آرہینیاس · ولیم ریمزے · ایڈولف فان بایر · ہنری موئیسان · ایڈورڈ رچنر · ارنسٹ ردرفورڈ · ولیہلم اوسٹوالڈ · اٹو ولاخ · میری کیوری · وکٹر گرگنارڈ · پال سبٹیائر · ایلفرڈ ورنر · تھیوڈر ولیم رچرڈز · رچرڈ ولسٹاٹر · فرتز ہابر · والٹر ہرمن نرنسٹ · فریڈرک سوڈی · فرانسس ولیم آسٹن · فرٹز پریگل · رچرڈ ایڈالف سگمونڈی · تھیوڈر سویڈبرگ · ہائنرش اٹو ویلینڈ · ایڈولف اٹو رائنہولڈ ونڈاؤس · آرتھر ہارڈن · ہانز فان ایولرچیلپن · ہانز فشر · کارل بوش · فریڈرخ برجیاس · ارونگ لینگمر · فریڈرک جولیو-کیوری · ارین جولیو-کیوری · پیٹر ڈیبے · پیٹر ڈیبے · والٹر ہاورتھ · پال کارر · رچرڈ کوہن · ایڈلف بوتنانت · لیوپولڈ روزیکا · جارج ڈی ہفسے · ارتری الماری فرتانن · جیمز سمنر · جان ہوورڈ نارتھراپ · وینڈل میریڈتھ سٹینلے · رابرٹ رابنسن · آرنے ٹسیلیس · ولیم جیوک · اٹو ڈائیلز · کرت ایلڈر · ایڈون میکملن · گلین سیبورگ · آرچر مارٹن · رچرڈ سنج · آرچر مارٹن · رچرڈ سنج · ہرمن شتاؤڈنگر · لینس پالنگ · ونسنٹ دو وینیو · سائرل نارمن ہنشلوڈ · نیکولے سمیونوو · الیگزنڈر ٹوڈ · فریڈرک سینگر · یاروسلاو ہیروسکی · سیویرو اوچوا · ولرڈ لبی · میلون کیلون · جان کینڈریو · کارل زیگلر · گیولیو نٹا · ڈورتھی ہوجکن · رابرٹ وڈورڈ · رابرٹ ملیکن · رونلڈ نورش · جارج پورٹر · لارس اونساگر · آڈ ہاسل · لوئیس لیلور · رابرٹ لیفکوٹز · بریان کوبلکا · سٹیفن ہیل · ولیم مورنر · ایریک بیٹزگ
ڈالٹن ماڈل · تھامسن ماڈل · لیوس ماڈل · ناگااوکا ماڈل · ردرفورڈ ماڈل · بوہر ماڈل · بوہر-سمرفیلڈ ماڈل · شروڈنگر ماڈل
جیمز کک · ہمفری ڈیوی · جارج اوہم · روڈلف کلاسیس · جوزف لسٹر · دمتری مندلیف · میچنیکوف · تھامسن · لورینٹز · ارنسٹ ردرفورڈ · ایلبرٹ آئینسٹائن · نیلز بوہر · جیمز چیڈوک · ہوورڈ فلورے · الساندرو وولٹا · میکس پلانک · رابرٹ براؤن · روڈلف ورچو · سٹیفن ہاکنگ
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.