From Wikipedia, the free encyclopedia
ابو سعید بن محمد بن میران شاہ بن تیمور (1424ہ توں 1469ء) امیر تیمور دے اساری ہوئی تیموری سلطنت دا اک حکمران سی ، جہڑی موجودہ قازقستان ، ازبکستان ، ایران تے افغانستان تے مشتمل سی ۔ ابو سعید امیر تیمور دا پڑپوتا ، میران شاہ دا پوتا تے الغ بیگ دا بھتیجا سی ۔ اوہ ہندستان دی مغلیہ سلطنت دے بانی بابر دا دادا سی ۔ شروع چ ابو سعید نے فوجی لشکر تشکیل دتا پر سمرقند تے بخارا چ پیر جمان چ ناکام ہوئیا تے بالاخر یاسی چ اڈا قائم کیتا ۔ 1450ء تک اسنے ترکستان دا بیشتر علاقہ فتح کر لئیا ۔ 1451ء چ اسنے ابو الخیر شیبانی خان دے زیر قیادت ازبک ترکاں دی مدد نال سمرقند فتح کر لئیا ۔ اینج تیموری سلطنت دا سارا چڑھدا حصہ اسدے قبضے چ آ گئیا ۔ اسنے 1458ء چ ہرات نوں فتح کر کے ثابت کر دتا کہ اوہ وسطی ایشیا دا سب توں طاقتور تیموری شہزادہ اے ۔ 1459ء چ اسنے تن تیموری شہزادےآں دیاں فوجاں نوں اک جنگ چ شکست دے دتی تے 1461ء تک مشرقی ایران تے افغانستان دا بوہتا حصہ حاصل کر لئیا ۔ 1469ء چ آق قویونلو ترکماناں دے خلاف اک مہم دے دوران اوہ گرفتار ہو گئیا تے اوزون حسن دے ہتھوں مارئیا گئیا ۔ ابو سعید صوفیاں نال خاص عقیدت رکھدا سی تے نقش بندی سلسلے دے شیخ خواجہ عبید اللہ احرار دے نال بوہت قریبی تعلق رکھدا سی ۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.