From Wikipedia, the free encyclopedia
ابن سینا 980ء چ بخارا دے نیڑے افشانہ چ اک ایرانی خاندان چ پیدا ہوئے ۔ اسدا والد بلخ دا اک معزز دانشور سی ۔ اسدی والدہ دا ناں ستارہ سی ۔ اسدی پیدائش دے وقت اسدا والد سامانی سلطنت دے علاقیاں چوں اک دا گورنر سی ۔ اسدے باپ نے بخارا چ اپنے بیٹے دی تعلیم وتربیت دا بہت عمدہ بندوبست کیتا ۔ ابن سینا دی غیر معمولی ذہانت تے حافظے نے اس دی سوچ و فکر نوں پروان چڑھان اسدی بہت مدد کیتی جس نال اوہ 14 سال دی عمر چ ای اپنے استاداں نالوں اگے لنگھ گئیا سی ۔ اسنے اپنی سوانح حیات چ لکھیا اے کہ 18 سال دی عمر چ پہنچن تک اسنے تمام موجود علوم پڑھ لیۓ سی ۔ سلطان بخارا نوح ابن منصور بیمار ہوگئیا تے کسے وی حکیم تے طبیب دی دوائی کارگر نئیں ہورہی سی تے ابن سینا ورگے کم عمر طبیب دی دوائی نال سلطان صحت یاب ہوگئیا ۔ چناچہ سلطان نے ابن سینا نوں اپنا کتب خانے توں استفادہ کرن دی اجازت دی دتی تے بو علی سینا نے چھیتی ای سارا کتب خانہ چھان ماریا تے ہمہ گیر قسم دیاں معلومات اکٹھیاں کرلئیاں تے 21 سال دی عمر چ اپنی پہلی کتاب لکھی ۔ اک روایت دے مطابق ابو علی سینا نے 21 وڈیاں تے 24 چھوٹیاں کتاباں لکھیاں ۔
صفر 370ھ بمطابق 980ء نوں فارس دے اک چھوٹے توں پنڈ "افنشہ" وچ پیدا ہوئے، انہاں دی والدہ اسی پنڈ توں تعلق رکھدی سن، جدوں کہ انہاں دے والد بلخ (موجودہ افغانستان) توں آئے سن ۔ بچپن وچ ہی انہاں دے والدین بخارا (موجودہ ازبکستان) منتقل ہو گئے سن، جتھے انہاں دے والد نوں سلطان نوح بن منصور السامانی دے کچھ مالیاتی امور دی ادارت سونپی گئی سی۔ بخارا وچ دس سال دی عمر وچ قرآن مکمل کیتا تے فقہ، ادب، فلسفہ تے طبی علوم دے حصول وچ سرگرداں ہو گئے تے انہاں وچ کمال حاصل کیتا۔
سلطان بخارا نوح بن منصور بیمار ہو گئے۔ کسی حکیم دی دوائی کارگر ثابت نہ ہو رہی سی۔ اٹھارہ سال دی عمر وچ انہاں نے سلطان نوح بن منصور دے اک ایداں مرض دا علاج کیتا سی، جس توں تمام تر اطباء عاجز آچکے سن ۔ ابن سینا جداں کم عمر تے غیر معروف طبیب دی دوائی توں سلطان صحت یاب ہو گئے۔ چنانچہ سلطان نے خوش ہوکے انعام دے طور اُتے انہاں نوں اک لائبریری کھول کر دتی سی۔ ویہہ سال دی عمر تک اوہ بخارا وچ رہے تے فیر خوارزم چلے گئے، جتھے اوہ کوئی دس سال تک رہے (392ھ-402ھ) خوارزم توں جرجان فیر ری تے فیر ہمدان منتقل ہو گئے، جتھے نو سال رہنے دے بعد اصفہان وچ علاء الدولہ دے دربار توں منسلک ہو گئے، اس طرح گویا انہاں نے اپنی ساری زندگی سفر کردے گزاری۔
ان دا انتقال ہمدان وچ شعبان 427ھ بمطابق 1037ء نوں ہويا۔ کہیا جاندا اے کہ اپنی زندگی دے آخری ایام وچ اوہ قولنج دے مرض وچ مبتلا ہو گئے سن تے جدوں انہاں نوں اپنی اجل قریب نظر آنے لگی تاں انہاں نے غسل کرکے توبہ کی، اپنا مال صدقہ کر دتا تے غلاماں نوں آزاد کر دتا۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.